#1
|
|||
|
|||
مشروع تخرج .. كيف احسب عزم الاحمال على السير؟
مشروع تخرج .. كيف احسب عزم الاحمال على السير؟
السلام عليكم يا بشمهندسين انا طالب آخر سنة ان شاء الله قسم هندسة كهربية وللأسف اتورطت في مشروع تخرج محتاج فيه شغل ميكا***ا مع شغل الكهرباء .. وهو عمل خط انتاج باستخدام PLC وطبعا محتاج سير يتحرك عليه المنتجات (صناديق كرتون) يعني بدون وزن. لكن المشكلة عملت الماكينة المطلوبة عند ورشة حدادة وركبت كل شىء واشتريت رومان بلي ليلف عليه السير لكن المشكلة انا مش عارف احسب ازاي اجيب موتور لتشغيل السير ده .. هو السير طبعا عبارة عن جلد عادي مش سير شغل .. جلد للاغراض المنزلية وانا عامله سير. مع العلم تاني ان السير مش هيشيل اي وزن لأن الصناديق هتكون كرتون او بالكتير اوي خشب مفرغ.. للأسف قررت اشتري موتور صغير 32 rpm و الراجل قالي بيشيل 6 كيلو (وبيني وبينكم انا معرفش يعني ايه بيشيل 6 كيلو) (انا اللي اعرفه ان قوة الموتور بتتحسب بالتورك او العزم يعني مش بالكيلو) وبعد ما ركبته مقدرش يلف السير والشافت اللي فيه اتكسر .. ورحت للراجل بيسألني عايزه يشيل كام كيلو؟ ياريت يا جماعة حد يفيدني ازاي احسب يشيل كام كيلو والعزم والكلام ده لأني كهرباء وخبرتي ضعيفة في تفاصيل الميكا***ا مع العلم ان طول الماكينة اللي هيلف عليها الجلد متر ونصف (150 سم) والعرض (40 سم) .. نموذج صغير يعني.. والرول الاسطواني اللي متركب في رومان البلي اللي بيلفف السير بلاستيك مش حديد .. وممكن وزن الصندوق (المنتج) اللي هيتشال على السير يوصل ربع كيلو او نص بالكتير اوي اوي. المصدر: Forums lav,u jov[ >> ;dt hpsf u.l hghplhg ugn hgsdv? |
|
|