Prajakta Mali च्या नृत्य कार्यक्रमाला त्र्यंबकेश्वर देवस्थानच्या माजी विश्वस्तांकडून विरोध, कारणंही सांगितलं - mahashivratri 2025 trimbakeshwar temple opposed prajakta mali dance event

त्र्यंबकेश्वर देवस्थानाच्या माजी विश्वस्त ललिता शिंदे यांनी ग्रामीण पोलिसांना पत्र लिहलं असून मंदिर विश्वस्तांकडून कार्यक्रमाचं आयोजन करण्यात आलं आहे, पण धार्मिक तसंच सांस्कृतिक कार्यक्रम करणं योग्य आहे, अशा पवित्र दिवशी सेलिब्रिटी इव्हेंटची परंपरा नाही, पायंडा पाडू नका…असं त्यांनी पत्रात म्हटलं आहे.

या सगळ्या इव्हेंटबद्दल बोलतना ललिता शिंदे म्हणाल्या की, महाशिवरात्रीचा दिवस हा अतिशय पवित्र असा आहे. इथं फक्त धार्मिक कार्यक्रमच व्हायला पाहिजेत. अभिनेत्री प्राजक्ता माळी जर शिवस्तुती नृत्य करणार असतील , तर त्याचा पुन्हा एकदा विचार होणं गरजेचं आहे. मी या मंदिराची माजी विश्वस्त आहे. शास्त्रीय नृत्य किंवा कथ्थक नृत्य अशा प्रकारचे नृत्य प्रकार असते तर तर समजू शकलं असतं. पण सेलिब्रिटींना बोलवून इव्हेंट करण्याचा पायंडा त्र्यंबकेश्वर देवस्थानाकडून पाडला जातोय, ते चुकीचं आहे, असं त्यांनी स्पष्ट शब्दांत म्हटलंय.

दरम्यान, दर वर्षी प्रमाणे त्र्यंबकेश्वर देवस्थानाकडून भाविकांसाठी विविध कार्यक्रमाचं आयोजन करण्यात आलं आहे. महाशिवरात्री निमित्त फुलांची सुंदर आरास करण्यात येणार आहेत. आज २५ फेब्रुवारीपासून या कार्यक्रमांना सुरुवात होत आहे. आज संध्याकाळीबासरी वादनाचा कार्यक्रम होईल. तसंच बुधवारी म्हणजेच उद्या दुपारी तीन वाजता श्रीत्र्यंबक राजाची पालखी मंदिरातून निघणार आहे. तसंच इतर धार्मिक कार्यक्रम पार पडणार आहेत. तसंच शिव तांडव या ग्रुपचं खास नृत्य सादर होणार आहे.

तर नटरंग आकादमीच्या वतीनं शिवस्तुती नृत्याविष्कार सादर होणार आहेत आणि याच शिवस्तुती नृत्याविष्कारात प्राजक्ता माळी तिची कला सादर करणार आहे. पण याला आता विरोध होताना दिसतोय.