ब्रेकिंग : Ladki Bahin Yojana | एप्रिल हप्त्याची प्रतीक्षा संपली.. लाडकी बहीण योजनेचे पैसे 'या' तारखेला खात्यात जमा होणार

मुंबई : Ladki Bahin Yojana : महायुती सरकारने महिलांच्या आर्थिक सक्षमीकरणासाठी सुरू केलेली ‘मुख्यमंत्री माझी लाडकी बहीण योजना’ सध्या राज्यभर चर्चेचा विषय ठरली आहे. या योजनेअंतर्गत पात्र महिलांच्या बँक खात्यात दरमहा ठराविक रक्कम जमा केली जाते. नुकतेच फेब्रुवारी आणि मार्च महिन्यांचे हप्ते महिलांना मिळाले असून, आता सर्वांचे लक्ष एप्रिल महिन्याच्या हप्त्याकडे लागले आहे. सूत्रांकडून मिळालेल्या माहितीनुसार, एप्रिल महिन्याचा हप्ता 6 ते 10 एप्रिल या कालावधीत महिलांच्या खात्यात जमा होण्याची शक्यता आहे. यामुळे योजनेच्या लाभार्थ्यांमध्ये आनंदाचं वातावरण पसरलं आहे.

या योजनेचा फेब्रुवारीचा हप्ता 8 मार्च रोजी जागतिक महिला दिनानिमित्त जमा करण्यात आला होता. या खास प्रसंगी पैसे मिळाल्याने महिलांमध्ये विशेष उत्साह दिसून आला. मार्च महिन्याचा हप्ताही वेळेवर जमा झाल्याने आता एप्रिलच्या हप्त्याची आतुरता वाढली आहे. सरकारने या योजनेच्या माध्यमातून महिलांना नियमित आर्थिक आधार देण्याचा प्रयत्न केला असून, यामुळे अनेक कुटुंबांना हातभार लागत आहे. ( Ladki Bahin Yojana )

कोणत्या महिलांना मिळणार नाही लाभ?
उपमुख्यमंत्री आणि अर्थमंत्री अजित पवार यांनी यापूर्वी लाडकी बहीण योजनेबाबत ( Ladki Bahin Yojana ) महत्त्वाची माहिती दिली होती. त्यांनी स्पष्ट केलं होतं की, ज्या महिलांची नावं योजनेतून बाद झाली आहेत, त्यांच्याकडून आतापर्यंत मिळालेले पैसे परत घेतले जाणार नाहीत. मात्र, या महिलांना पुढील हप्त्यांचा लाभ मिळणार नाही. या योजनेच्या छाननीदरम्यान एकूण 50 लाख महिला अपात्र ठरण्याची शक्यता असून, आतापर्यंत 9 लाखांहून अधिक महिलांना अपात्र घोषित करण्यात आलं आहे. चारचाकी वाहन असलेली कुटुंबं किंवा आर्थिकदृष्ट्या सक्षम असलेल्या महिलांना योजनेतून वगळण्यात येत आहे. त्यामुळे या महिन्यात अपात्र महिलांना हप्ता मिळणार नसल्याचं समजतं.

योजनेचं महत्त्व आणि चर्चा
( Ladki Bahin Yojana ) लाडकी बहीण योजना सुरू झाल्यापासून तिच्यावर सकारात्मक आणि नकारात्मक अशा दोन्ही प्रकारच्या चर्चा सुरू आहेत. एकीकडे ही योजना महिलांना आर्थिक स्वातंत्र्य देत असल्याचं कौतुक होत आहे, तर दुसरीकडे काही ठिकाणी या पैशांचा गैरवापर होत असल्याच्या घटनाही समोर आल्या आहेत. तरीही, सरकारने ही योजना बंद न करता त्यात सुधारणा करण्याचा निर्णय घेतला आहे. अजित पवार यांनी यापूर्वी सांगितलं होतं की, “ही योजना महिलांच्या सक्षमीकरणासाठी महत्त्वाची आहे आणि ती कायम ठेवली जाईल.”

एप्रिल महिन्याच्या हप्त्यासाठी पात्र महिलांना आपल्या बँक खात्याची माहिती तपासून ठेवण्याचा सल्ला देण्यात आला आहे. दरम्यान, सरकार या योजनेच्या प्रभावी अंमलबजावणीसाठी सातत्याने प्रयत्न करत असून, येत्या काळात आणखी काही बदल जाहीर होण्याची शक्यता आहे. लाडक्या बहिणींसाठी हा हप्ता आर्थिक दिलासा देणारा ठरणार असल्याने त्याची आतुरतेने वाट पाहिली जात आहे.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:55 20-03-2025