بنت مراة الرئيس ديال فرنسا طايحة في الحب.. المفاجأة أنه واحد من الأعداء ديالو

وكالات//

كشفات وسائل الإعلام الفرنسية أن تيفين أوزيير، بنت السيدة الأولى ومرات الرئيس إيمانويل ماكرون، دخلت في علاقة “غير متوقعة” مع سيريل حنونة، المقدم التلفزيوني المثير للجدل، اللي كيتهم الرئيس بالوقوف وراء إلغاء برنامجه.

تيفين أوزيير (41 سنة) بانت مع سيريل حنونة (50 سنة)، مقدم البرنامج الحواري الشهير، اللي تم توقيفو نهائيًا الشهر اللي فات من طرف القناة بسبب أساليبه المثيرة وتوجهاته اليمينية المتشددة.

التقارير كتقول إن العلاقة بيناتهم بدات بعدما تيفين أوزيير انضمت لفريق برنامج سيريل حنونة العام اللي فات كمعلقة قانونية.

وكانت مجلة “باري ماتش” هي أول من كشف القصة بعنوان بارز، مرفقة بصورة ليهم بجوج في واحد الريسطو راقي فالدائرة الثامنة فباريس.

المجلة وصفت العلاقة بأنها “أكثر من مجرد نزوة عابرة”، وقالت أن أوزيير أخبرت والدتها عن “قصة حبها ” هاد الشهر، الشيء اللي أصاب دوائر قصر الإليزيه بـ”الصدمة”.