احيانا الانسان لما يكون في قوقعته الخاصه و مع لويه المشاعر والاحداث يفقد تركيزه على المهم و على اللي صاير بالضبط ..
و هذا اللي صار مع صاحبه الاستشاره ..
تكلمني و اهيا قمة بالأعصاب و تلوم الطليق ان بسببه صار الانفصال و عطتني كل تفاصيل الزواج اللي انتهى و الشي المستمر ..
بكل التفاصيل ما سمعت عن العيال شي الا جملة (دمرهم الطلاق )ط!
و هذا المفروض سبب اتصالها في البدايه ( ولدها صارت عنده سلوكيات خطره تأثر على سلامته )
ولكن مع الكلام نسته و ركزت على الطليق و مشاكلهم!
الواقع ان العيال ما يدفعون ثمن الطلاق ابدا!
العيال يدفعون ثمن العناد و التصيد و الأنانيه و الكبرياء اللي يصير بين الازواج لما ينفصلون!
و الخلافات اللي توصل للايذاء والتجريح بسبب فشل علاقتهم كازواج..
لازم نسلم بحقيقة ان الطلاق احيانا هو الحل الوحيد لبعض الازواج واللي ينفع لكل الاطراف و لكن اللي انت تسويه أثناء وقوع الطلاق و بعده هو اللي يحدد مستقبل العيال ..
ماكو طلاق بدون كسر قلوب الام والاب و العيال كلهم قلوبهم تنكسر بس البعض بدال لا يفكرون شلون يصلحون الوضع و يرممون قلوبهم و حياتهم يفكرون شلون يذلون بعض، يلوون ذراع بعض و يعنادون اكثر و منو غلطان اكثر و هذا بالضبط اللي العيال يدفعون ثمنه..
المفروض مصلحة العيال رقم واحد و بالذات بعد الطلاق ، و الخلافات بتكون موجوده لان اصلا الازواج تطلقوا لانهم مختلفين مو من المعقول انهم يحطون طاقتهم في هذه الخلافات حتى بعد الطلاق ..
لان الشيء الوحيد اللي مستحيل يختلفون فيه واكيد يتفقون فيه هو حبهم للابناء!
فأن مصلحتهم تكون رقم واحد هو اللي لازم نفكر فيه .. نداوي نفسنا و نداوي عيالنا عشان ما نخسرهم..
محد يشجع الطلاق ولا في احد يتمناه ولكن هو واقع و موجود و يصير وايد فلازم نتعلم أصول الطلاق لان للطلاق أصول !!!
شنو برايكم اهم القواعد والاصول اللي لازم يلتزمون فيها الاهل عند الطلاق و تقلل من اثاره السلبيه ؟؟
——————————
الكل يحتاج لاستشاره و التوجيه 💫
سواء كانت استشاره شخصية او زوجيه .. نساعدج على حلها و التخلص من مشاكل الحياه🌷
نبني معاج افكار جديده تنقلج الى السعاده 💯💯
بكل حب و امتنان للاستشاره الشخصية التواصل من خلال الواتسب :
00965 – 99111526
#تنمية_بشرية
#تنمية_الذات
#تطوير_الذات
#علاقات
#علاقات_زوجية
#استشارات_اسرية
#علاقات_عاطفية
#مدرب_حياة
#زواج#صداقة#الكويت
#lifecoach
#حب#فراق#خذلان#عروس#طلاق#استشاره#قلق#محبة#زوج#زوجة#قطر#الكويت#الامارات#مشاكل#نرجسي