٧ طرق إذا اتبعتيها تستطيعين التحكم بزوجك – اضحكي مع الزوج العصبي جزء ٢ – اخبار مجنونة
اخرا

٧ طرق إذا اتبعتيها تستطيعين التحكم بزوجك – اضحكي مع الزوج العصبي جزء ٢



٧ طرق إذا اتبعتيها تستطيعين التحكم بزوجك – اضحكي مع الزوج العصبي جزء ٢

هذا الفيديو يعرض طرق وتكتيكات للتعامل مع الزوج العصبي، نعرض فيه مشاهد تمثيلية فكاهية لتوضيح الفكرة.

موسيقى المشاهد التمثيلية:
‘CURIOUS’- Funny Comedy Music – The Crazy Venezolano Soundtrack
by Nicolai Heidlas Music

=====

مدام فرحات
متزوجة، طالبة دكتوراة، وناشطة اجتماعية في مواضيع الزواج وتطور الانسان الذاتي بشكل عام
Madaam Farhat
Married, PhD student, and social activist in marriage matters and overall self improvement

https://www.instagram.com/madaamfarhat
https://www.facebook.com/madaamfarhat
=====
للمزيد من الفيديوهات والنصائح الممتعة عن الزواج تابعي موقعي
For more awesome marriage stuff, follow my website
https://goo.gl/FmFJcq
=====
صفحة قناة مدام فرحات Madaam Farhat YouTube Channel
https://www.youtube.com/c/madaamfarhat
=====
لا تفوتي حلقة من مدام فرحات! اضغطي (أو اضغط) الرابط للاشتراك:
Make sure to never miss a video from Madaam Farhat! Click here to
Subscribe:
https://www.youtube.com/c/madaamfarhat
==========
video transcript نص الفيديو
١. ما تكبي كاز عالنار. من أكبر أخطاء التعامل مع الغضب انو تعصبي عليه كردة فعل! هلا للغضب في شغلة مهمة ثابتة ما بتتغير، ألا وهي انو “مؤقت”. يعني عصب وكسر وعمل فيلم رعب بالبيت بس بالآخر رح يهدا ويكن. ازا صبيت كاز عالنار، رح تطول ساعات أكتر أو حتى أيام. تزكري – لحظة الغضب إلها نهاية، لكن شو الكلمات اللي بتقوليلو لبعض بهيك لحظات حامية أثرها أبدي.. فانتبهي شو تحكي – والأفضل ما تحكي شي إلا يللي بدو يسمعه لحتى يهدى… خليكي هادية وريلاكس…مش خوفاً، تحمل للطرف.. كم مرة انتي فقدتي أعصابك و وصلنا للنقطة التانية…
٢. استني لحتى يهدى. بعد ما يهدى فيكي تيجي لعنده وتعاتبيه بأسلوب مناسب ومكان مناسب وبالوقت المناسب. بكون صار بكامل وعيه – وهو معصب ما بكون منطقي! هلا تقريبا بدها ٢٠ دقيقة لحتى تنخفض نسبة الأدرينالين بجسم الانسان الغضبان، بعد شي عشرين دقيقة ازا لقيتيه لسه معصب ما تتفاجئي روحي ورجعي مرة تانية – كول. لما يهدى تماما روحي احكي معه.. تقوليلو انك زعلانة منه – وازا كنتي غلطانة بتعتزري – وممكن حتى تقترحي عليه اسلوب ممكن يساعدو يكتم غضبه المرة الجاي.. وازا حبيتي زيديها بالآية الكريمة تبع كظم الغيظ. أقترحيلو طريقة تانية يحكي معك فيها – بجوز ما بيعرف غير الصريخ. اعطيه خيارات فيك تقللي “ما تحكي معي هلا لحتى أهدى” او فيك تقللي “يا مرة انا متدايق منك بسبب هيك وهيك”. شوفي جوزك شو ممكن يمشي معه وجربي.
٣. اعملي لنفسك حدود. والتزمي فيهم من أول العلاقة! من أكبر الأخطاء يللي كتير بيقعو فيها أنهم ما محددين خطوط حمراء يللي ما بسمحو انو يتم تجاوزها.. انك تخللي الأمور واضحة خاصة من البداية خللي بالنسبة ألك أولاً حدود ما تسمحيلو يتجاوزها وخليه يعرف حدوده من الأول. هي من أهم التكنيكات لإدارة الغضب في المنزل. يعني مثلا فيك تصرخ بس ممنوع تغلط علي وعلى أهلي بالشتيمة! كيف ترسمي حدود؟ اذا بدنا نحكي بمثال الشتيمة، بتبلشي من الأوقات العادية مثلاً ما بتخليه يشتم حتى بالمزح.. واذا شتم وهم معصب – انتي ازعلي! ولما يهدا بتعاتبيه على هي النقطة وبتركزي عليها… عملي موقف روحي عند بيت أهلك ازا اضطريتي.. كوني قوية! المهم تلتزمي انتي بالحدود اللي رسمتيها لنفسك وبالآخر رح يقف عندها.
٤. اختاري معاركك. منروح ومنرجع ومنطلع ومننزل ومنضل نرجع لهل المبداً بالعلاقة الزوجية… ما بتتخيلو أديش هالمبدأ اذا تم اتقانه كيف حياتكم رح تكون كول وريلاااكس! بيقللك حتى أكبر القادة في الجيش بيعرفو انو ما يفوتو بمعركة اللا اللي بيعرفو انهم ييمكن ينتصرو فيها… ما بيضيعو وقتهم أو الذخيرة أو الجهد على معركة بيعرفو انها خاسرة! كلما قلت المعارك اللي تخوضيها مع زوجك، كلما زادت قوتك وحجتك بالمعركة اللي بتختاريها! البوكس بيجي أقوى بعد فترة من السكوت أو التغاضي على شغلات صغيرة! لانك رح تفاجئيه انك ما سكتتي هالمرة – وبالتالي بتربحي المعارك يللي فعلاً بتكون مهمة بالنسبة الك.
٥. قولي كلا لقلة الاحترام . الرجل بيهين المرأة فقط لما هي بتسمحلو. حطيها حلق بدانك هي! بيقلل احترام لما ما يكون في اعتراض على سلوكه! و متل ما حكينا بالحلقات الماضية، شو؟ ما شفتو الحلقات الماضية؟ طب شو عم تعملو هون؟ عملو بوز وفتحو الحلقات وحدة وحدة صفيهن عالدور – يلا رح استنى. أمزح. متل ما حكينا من قبل الرجال “مممم استغلالي حبتين”. يعني ازا سمحتيلو يهينك مرة رح يهينك مرة تانية ويتقل العيار كمان ليشوف أديش معه مجال بتسميحلو.. وهييييك لحتى كل الخطوط الحمرة تنتهك! لأنك سمحتيلو وواهانته ألك على فكرة بتشبع احساسه بالذت بالأنا مرة على مرة.. شي بزعل بس حقيقي.
يعني عيب عليك اذا بتغلط علي مرة.. بس عيب علي اذا غلطت علي مرتين.. يعني اذا زوجك عم يعاملك كأنك كيس طحين عالرايحة وعالجاي بتفركش فيه – المسؤولية عليكي انك توقفي هالشي.. كيف؟ وضحيلو بالأسلوب المناسب والمكان المناسب والوقت المناسب انك ما بتقبلي انو زوجك سندك حبيبك يللي اختارك واخترتيه من بين كل الرجال ومن بين كل النساء انو يعاملك بهالطريقة. ذكريه ببناته بأولاده وكيف هو قدوة لهم ولأزواجهم المستقبليين. ومن هالحكي تبع الأفلام.. كلما ما قبلتي بالإهانة، كلما حسستيه انو عادي. ارسمي لنفسك حدود وخطوط حمراء. مافات الأوان – بعرف نساء على عمر الستين رسمو هالحدود – وشوي شوي بالتدريج تغيرت حياتهم مع هالزوج العصبي.. طبعا تاخد وقت شوي أطول من انو ترسمي الحدود بأول اعلاقة.. وبصراحة انتو التنين رح تكونو سعداء. انتي بتكسبي احترام زوجك وحسن تعامله – وهو بيحس انو زوجته ذات كبرياء وعزيزة نفس فبيحترمك من جوة حتى لو ما أظهر هالشي

source

الوسوم

مقالات ذات صلة

إغلاق