غير مصنف

اجدد اكلات الشيف الكويتية المبدعة نادية بمكونات منزلية بسيطة



أحلى مچبوس كويتي🇰🇼
@nadia_cooks
@nadia_cooks
لازم نذوقها أكلنا 😍
وعليها بألف عافية .
فلازم اشارككم متابعيني
مع اجمل لقطة
والعيش متفچچ وجاااهز ما شاء الله .
طبعا متابعيني اللي يحبوني يحبون مني هالكلمة وصارت جملتي المشهورة
بروووحه يتفچچچ .
اللحم فرش مذبوح بوقته
السلقه الاولى وبدلت الماي.
السلقة الثانيه مع البصل والبهارات الصحيحه ورق غار هيل كزبرا دارسين.
الملح اخر شي
اللحم حمرته بالفرن .
حطيت عليه زعفران زيت هيل دارسين ماي ورد
الحشو في فيديو كامل طريقتي بالحسو تحت شوي .
العيش ايضا من چم يوم نزلتلكم فيديو بعمل العيش المفچچ .
طبعا هذا الشكل النهائي لطبختي .
وأحلى ضيافه لاهل صلالة
ورق عنب ومجبوس لحم والسلطة والالبا الكويتية .
..😍👌

السمچ
احنا نسميه حمام
واللوبستر نسميه أم الروبيان .
بصلالة يسمونه الشارخه 😍👌
وانتو كتبولي شتسمونهم .
تتبيلة ام الروبيان
زبده كزبرا عصير ليمون ثوم ملح فلفل اسود
ما ياخذ وقت بالفرن يحون حار الفرن
فقط ربع الى نص ساعه كافي علشان ما يصير قاسي .
الحمام التتبيله زبده ملح فلفل احمر مجروش فلفل اسود كاري
وبالفرن ساعه.
مافيه شكل نهائي لان حق بوسالم وربعه وبيسونه عندهم
ونقول عليهم بالعافيه .

أحلى مموش
اول شي غسلت الماش الكامل
بعدها سلقته لازم تسلقونها لان الحبة كامله مو مقصوصة .
حمست بصله ثوم حطيت زيت زيتون وسمنة
بعدها كزبرا ناشفه فلفل اسود قلبل جدا كركم ملعقة الشاي فقط نقطة.
كمون ناعم او حب قليل جدا
حطيت حبات طماطم مقطعة قطع كبيرة
كزبرا وشبينت اضافه من عندي 😍
بعدها حطيت الماش والعيش
والماي لا تنسون الملح .
ما شاء الله تبارك الرحمن
طبعا بس يتبخر الماي تحطون الحديده اللي اهي التنكة تحت الجدر .
ومع اجمل لقطة لما العيش بروووحه يتفچچچ .👌😍
اهم شي لما تسون العيش متابعيني لازم تقولون هالجملة 😍

معكرونية الطيبين بقطع لحم العجل .
@nadia_cooks
@nadia_cooks
هذا الشكل النهائي عشى ذوسالم وربعه
واعم طالبينها بهالطريقة مو ناشفة 😍👌
بعد هاللقطة الطريقة .
اول شي سلقت اللحم سلقة اولى بعدها غيرت الماي غسلت اللحم والسلقة الثانية
حطيت بصلة ورق غار عود دارسين .
.
الخلطة حمست بصل ثوم جزر طماطم فرش معجون طماطم اللحم البهارات كزبرا بهار مشكل دارسين ناعم دومي ناعم نقطة كركم
ملح.
سلقت المعكرونيه مع ملح
وبعدها خلطت الخلطه وعلى نار هادية .
وعليهم بالف عافية .

مچبوس لحم
هذا الفيديو فقط لطريقتي بعمل العيش مثل ما طلبتو مني .
حطيت بصله وحمستها تكون مكعبات صغيرة بعدها العيش وبعدها ماي سلق اللحم .
الماي يكون فوق العيش بشوي يعني
٣ سنتيمتر تقريبا او اربع حسب
بس اذا كلن الجدي مو واسع تحطون ماي اكثر .
وما شاء الله الشكل النهائي وانا أنچب العيش
بروووحه يتفچچچ😍👌 ما شاء الله تبارك الرحمن .
عليهم بالعافية بوسالم وربعه .

source

الوسوم
اظهر المزيد

مقالات ذات صلة

‫16 تعليقات

زر الذهاب إلى الأعلى