غير مصنف

وربات بالقشطة (اكلات سورية)



وربات محشية بقشطة السميد طيبة كتير وسهلة جربوها بتدعولي طعمتا لاتنسى وادمان كتيررطيبة بهالبرد 😋

المقادير وطريقة التحضير
حوالي 150غرام زبدة او سمنة مندوبهن ومنخلط معها كاسة صغيرة زيت
رقائق بقلاوة جاهزة

لعمل قشطة السميد
2كوب كبير حليب مع كاسة شاي صغيرة سميد ناعم او وسط مع كاسة شاي صغيرة سكر منخلطن مع بعض عالبارد ومنحطن عالنار ومنضل نحرك ليسمك المزيج ويصير متل القشطة واذا بدنا منحط معه كاسة شاي صغيرة فستق حلبي مجروش او جوز مجروش هاد اختياري وبيعطي طعمة كتير طيبة بس انا ماحطيت ومنرك القشطة عطرف تبرد وبعدين منجيب الرقائق منحط تنتين فوق بعض ومنقسمن مستطيلات متل الفيديو ومندهن الطبقتين بخليط السمنة والزيت ومنحطن فوق بعض ومنلفن عشكل مثلثات متل الفيديو بعد مانحط حشوة القشطة اللي جهزناها من قبل وعالفرن حرارة وسط تقريبا تلت ساعة ولحتى يحمروا شوي لازم نراقبن لانه فورا بيستووا وبس يطلعوا من الفرن منكت عليهن القطر اللي منكون محضرينه من قبل
طريقة القطر
كاستين سكر
كاستين ماء
مع رشة صغيرة ملح اليمون او عصرة ليمونة
وعالنار يغلوا لمدة خمس دقايق ومنطفي النار
وصحة والف هنا

source

الوسوم
اظهر المزيد

مقالات ذات صلة

تعليق واحد

زر الذهاب إلى الأعلى