منتديات نورة الحربي

 

 


العودة   منتديات نورة الحربي > مواضيع منقولة من مواقع اخرى

إضافة رد
 
أدوات الموضوع انواع عرض الموضوع
  #1  
قديم 10-15-2012, 10:44 AM
rss
Guest
 
المشاركات: n/a
افتراضي اهرب مع نفسك.. الآن!

 

اهرب مع نفسك.. الآن!
.

نشتكي كثير من ضعف الذاكرة..
من قلة التركيز..
تشتكي من الصداع.. و من تسارع الأحداث حولنا..
نشتكي من الرتابة و الملل و بهتان الحياة..
صدقوني.. أنا لقيت الحل لكل هالمشاكل.. و أكثر!



السبب في كل هالمشاكل اللي ذكرتها فوق..
هو في الغالب انجرافنا مع تيار الحياة السريع..
لدرجة اننا نسينا أنفسنا..
ايه نعم.. نسينا أنفسنا!
و لنفسنا علينا حق..
لها حق نجلس معها.. نتكلم معها.. و نشوف وش تبي!



لي فترة ساكن في برج في وسط لندن..
و طبعا كثير منكم يمكن يعرف اني كنت أمر بظروف نفسيه سيئة جدا لي فترة.. لدرجة اني صرت ما أحب أطلع برى البيت ولا عاد ابي أكلم أحد..
لكن من عشرة أيام بس.. اكتشفت – و بالصدفة – شي مثير جدا..!
شي من جد.. غير حياتي!



شرفة الشقة اللي انا ساكن فيها جميلة و مرتبة و تطل على الـ هايد بارك..
و بحكم اني ما أقدر أدخن داخل البيت.. ولا لي مزاج أبد أطلع برى.. جتني فكرة أطلع و اجلس في الشرفة و ادخن سيجاري لحالي.. و من هنا بدأ التغيير!
حسيت بهدوء عجيب .. و سكينه و ارتياح ما حسيتهم من سنين!
و انا هنا ابسأل كل واحد فيكم..
من كانت آخر مره جلست فيها لوحدك لمدة ساعه كاملة و في مكان مفتوح؟!
و لما أقول لوحدك.. تراي أقصد لوحدك!
يعني ما معك أحد.. سواءا بشخصه.. أو بصوته.. أو بالـ BBM..!
أنا متأكد ان أغلبكم يبي يقول من 1415هـ! اهرب نفسك.. الآن!



المهم اني يومها قررت أجلس كل يوم ساعة كاملة لحالي في الشرفة..
ما معي أي جهاز اتصال.. ولا كتاب.. ولا حتى ورقة و قلم..
و الآن.. بعد عشرة أيام.. أقدر أقول لكم و بكل أمانة.. اشياء كثير داخلي تغيرت!
صرت أهدأ.. أكثر تركيز.. أقوى ذاكرة.. و أسعد!



اسمعوا اللي ابقوله لكم.. و جربوه لو مرتين في الأسبوع..
و اذا ما حسيتوا بتغير حياتكم للأفضل.. ابرجع لكم قروشكم! (اي قروش يابو؟ اهرب نفسك.. الآن! )
لا من جد.. جربوا و بتشوفون!
ابشرح لكم كل شي و بالصور..!

.

.

- توقيت الجلسة
يستحسن يكون وقت هادي و ما فيه ازعاج.. الصباح مثلا قبل العمل أو الجامعة..
أنا اخترت وقت الفجر.. قبيل طلوع الشمس.. (متعووب عليها قبيل)

- مكان الجلسة
مهم جدا أن يكون المكان مفتوح.. حوش منزل.. شرفة.. حديقة..
و لو ما حصل ولا وحده من ذولي.. لو على الأقل تجلس جنب شباك و تفتحه..
أنا اخترت اجلس بالشرفة..

اهرب نفسك.. الآن!
شـرفـتـي

- مدة الجلسة
على الأقل ساعه!

- رفقاء الجلسة
يعني ما راح أقول لكم من هم الرفقاء المسموح تواجدهم أثناء الجلسة بحكم انهم كثر.. لكن أبذكر لكم الرفقاء اللي اياني و اياكم أشوفهم يوطوطون معكم بالجلسة..

*رفقاء ممنوع تواجدهم:
1- جميع الكائنات الحيه.. بما في ذلك الحيوانات الأليفة..
2- كل وسائل الاتصال.. ابتداءا من الجوال و انتهاءا بالحمام الزاجل.. و لو ان الحمام الزاجل ينطبق عليه المنع اللي في فقرة 1 بعد.. يعني شين و قوي عين..!
و قصم لو أشوف حمام زاجل مع واحد منكم لأسوي عليه شربة حمام بالفريك.. ولو اني من جد ما ادري وشو الفريك.. بس ابسويه.. (أعصابك طيب!)
3- الكتاب.. لا يغركم و يجلس يقول لكم خير جليس و هالخرابيط.. قولوا له تلايط كلها ساعه و بنرجع لك.. وطبعا الجرايد و المجلات ينطبق عليها نفس الشي..

أنا اخترت رفقاء اعزاء جدا.. و هم:

Ipod
Por Larranaga cigar – Petit Corona
Oasis Juice – Summer Fruits

اهرب نفسك.. الآن!
صورة الرفـقـاء

- أثناء الجلسة
حاول تصفي ذهنك.. و اطرد كل الأفكار السلبية..
تأمل المكان حولك بهدوء و سلام..
و اذا سمعت أغاني.. اسمع أغاني فيها تفاؤل و حياة..

 


ترى بتخرب كل شي لو تسمع أغاني حزينه.. بلا **الة عاد..
و يستحسن موسيقى بس بدون أغاني لأني أعرفكم بتجيبون العيد..
و اذا مره ملزمين تسمعون أغاني.. اسمعوا أغاني من هالنوع:

اثناء الجلسة..
فكر بأحلامك اللي نسيتها.. بطموحاتك اللي تلاشت..
تذكر أصدقاءك القدامى.. أيام الطفولة..
فكر وش بتسوي بكره في العمل أو في الجامعه..
فكر كيف توصل للي تبيه..
خطط لحياتك.. بهدوء..
والله يا انه تبي تطلع معكم هواجيس مدري وش تبي..
و الله يا انكم يبي لكم تغسلون روسكم عقب الجلسة من الغبار اللي يبي يطلع من المخيخ الباطن.. تبي تتذكرون أحداث **دية.. اهرب نفسك.. الآن!
أنا آخر ما توصلت له.. تذكرت اني مره في رابع باء.. تهاوشت مع واحد و تواعدنا نتضارب في الطلعه.. بس ما تضاربنا.. احتريته في الطلعه و ما جا مدري ليش.. و انا شكلي كنت ابيها من الله لأنه كان دبي و قوي.. اهرب نفسك.. الآن!
و دي والله أشوفه و اسأله ليه ما جا يومها.. لهالدرجة انا كنت مرعب؟! اهرب نفسك.. الآن!

اترككم مع بعض الصور..

اهرب نفسك.. الآن!
المنظر من شرفتي.. قبل طلوع الشمس بدقائق..
منظر الهايد بارك في الخلف.. آسر!

اهرب نفسك.. الآن!
المنظر من شرفتي.. من الجهة الأخرى..

اهرب نفسك.. الآن!
ألوح بيدي الكريمة للجماهير العريضة.. و التوسوعية من التوسع! اهرب نفسك.. الآن!

اهرب نفسك.. الآن!
Two of the comrades

اهرب نفسك.. الآن!

المهم.. جربوا.. و انا متأكد بتتغير فيكم كثير من الاشياء.. اهرب نفسك.. الآن!

 



——————-

على فكرة..
ناظروا فوق على اليمين..
فوق شوي..
ايوووه..
وش تشوفون؟
بالضبط.. صار عندي تويتر..
طيب؟!
يالله ما يحتاج أوصيكم..
الحقونن! اهرب نفسك.. الآن!

————-

ختاما..
شوية صور.. لـ جود و عمها فيصل..

اهرب نفسك.. الآن!

اهرب نفسك.. الآن!

اهرب نفسك.. الآن!

اهرب نفسك.. الآن!

اهرب نفسك.. الآن!



I*missed you guys..
شوكرن..


hivf lu kts;>> hgNk!

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share

RSS RSS 2.0 XML MAP HTML

الساعة الآن 04:55 PM

أقسام المنتدى

الشريعة و الحياة | المنتدى العام | مـنـتـدى الـعـرب الـمـسافـرون | أزياء - فساتين - عبايات - ملابس نسائية - موضة | مكياج - ميك اب - عطورات - تسريحات شعر - العناية بالبشرة | װ.. أطآيبُ ״ شّهية ]●ะ | اعشاب طبية - الطب البديل - تغذية - رجيم - العناية بالجسم | ديكور - اثاث - غرف نوم - اكسسوارات منزلية | صور - غرائب - كاريكاتير | {.. YouTube..} | منتدى الاسئله والاستفسارات والطلبات | مواضيع منقولة من مواقع اخرى | اخبار التقنية | مواضيع منقولة من مواقع اخرى2 | منتدى تغذيات | منتدى تغذيات الكلي | قِصصْ الأنْبِيَاء | قِسمْ الرَّسُول الكَرِيمْ والصَّحَابة الكِرامْ | القِسمْ الإِسْلاَمِي العَامْ | قِسمْ المَواضِيْع العَامَّة | قِسمْ الشِعرْ والشُعَرَاء | قِسمْ الخَوَاطِر المَنقُولَة | قِسمْ الصُوَرْ | قِسمْ القِصصْ والرِوَايَات | قِسمْ حَوَّاءْ | قِسمْ الطِب والصِحَّة | قِسمْ الصَوتِيَّات والمَرئيَّات الإسْلاميَّة | قِسمْ مَطبَخ صَمْت الوَدَاعْ | قِسمْ الدِيكورْ | قِسمْ كٌرَة القََدَمْ العَرَبِيَّة والعَالمِيَّة | قِسمْ المكْياجْ والإكْسسْوارَات | قِسمْ المَاسِنجرْ | قِسمْ الِسِياحَة والسَفرْ | قِسمْ أَفْلاَمْ الكَرتُونْ | قِسمْ الفِيدْيو المُتَنَوعْ | منتديات الرياضة | اخبار | مواضيع منقولة من مواقع اخرى3 | موقع اجنبي | كوكو فرنسا | كوكو هندية | كوكو روسي | كوكو دنمارك | كوكو ياباني | اخر اخبار العولمة | عالم الحياة الزوجية | عرض أحدث عمليات البحث الشائعة |



Powered by vBulletin® Version 3.8.8 Beta 1
Copyright ©2000 - 2017, KingFromEgypt Ltd Elassal
Adsense Management by Losha
This Forum used Arshfny Mod by islam servant