Forums

العودة   Forums > منتدى تغذيات > قِسمْ الشِعرْ والشُعَرَاء

إضافة رد
 
أدوات الموضوع انواع عرض الموضوع
  #1  
قديم 01-26-2013, 01:27 PM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,910
افتراضي يا بعد روحي تذلل

يا بعد روحي تذلل
يا بعد روحي تدلل ما سكن قلبي سواك
إنت الآخر وانت الاول ما معك فيني شريك ..
شموخي قد تذلل // جيت الــبِّـي لك ندااك
جيت يا لبيييه آآآمر // لو على عيوني تجيك ..
طال هجرك لي وطوَّل // يا جعل قلبي فداك
طالبك تكفى ودخيلك // لا تجافيني أبيك ..
آآه من دنياي دوونك // والله ما تسوى بلاك
أعشقك واغلي ترابك // واللي صوَّر ناظريك ..
كلِّ ما ناظرت مقبل // قلت هذا الغالي جاك
يوم اشوفه شخص ثاني // أرجع ابكي واحتريك ..
منهو بعدك يمسح الدمعات عني // منهو ذاك ؟!
مين ينسيني هموومي ؟// يا عسى الهم مايجيك ..
منْ يعوضني حنانك ؟// ضحكتك .. بسمة شفاك ؟
منْ يعوضني دلالك ؟ // نبرتك .. لمسة يديك ؟..
منهو غيرك يحتويني ؟ // منهو يوووصل مستواك ؟
إرحم القلب المعذب // وإللي يرحم والديك ..
يا حبيبي شوف حالي // مرتسم فيني الهلااك
كيف تتناسى حناني ؟! // والوفااا مخلوق فيك !..
وين احاسيسك وشوقك ؟ // وين عطفك يا ملاك ؟
وينها رقة كلااامك ؟ ..
وينها ذيك الرسايل ؟ // في صباحك .. في مساااك
وينها باقي وعوودك ؟ // وين قولك : ( مهتويك ) ؟..
أسألك بالله قلِّـي // وش جراا لك ؟ وش بلاااك ؟
كيف بعت إنسان يحبك ؟ // بعد ما هو مشتريك ..
خلني قطرة في بحرك // والا نجمة في سماااك
والا دمعة في عيونك // وإلا شي هيِّــن عليك ..
المهم ابقى بقربك // المهم ابقى معاااك
والله مليت إنتظارك // والله مليت ارتجيك ..
* لا تظن انسى الهداايا // ولا تظن انسى غلااك
لا تظن انسى ورودك // شوفها الرمزية ذيك .. *
إنسى أحزانك وهمك // دووس هالدنيا بحذاااك
وابتسم يا نوور عيني // دام قلبي صاار ليييك ..
روووح زُهرة .. أو عطارد // وين ما ترحل وراااك
والله الظاهر حبيبي // ربي فيني مبتليك ..
مهما تقفل عني بابك // مهما تحرمني أرااك
مهما تــتــفــنــن بجرحي // مين قدك ؟ وش عليك ؟
مهما تنسى .. مهما تقسى // مهما يتزااايد جفاااك
مهما تتغلى وتجرح // بانسى آلآآآآمي واجيك ..
بانكسر قدام عينك // وانحني واطلب رضااااك
إمّــا تحضنِّــي بيدينك // وإلا تذبحني بيديك

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:38 AM

converter url html by fahad

 



Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
Adsense Management by Losha
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47