Forums

العودة   Forums > مواضيع منقولة من مواقع اخرى

إضافة رد
 
أدوات الموضوع انواع عرض الموضوع
  #1  
قديم 01-22-2013, 10:12 PM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,910
افتراضي قصه ولادتي ليله لا تنسي ^_^

قصه ولادتي ليله لا تنسي ^_^
السلام عليكم يا فراشات
كيف حالكم عساكم بخير
والله يسهل علي كل حامل
ابدأ الان بسرد قصتي :036:
اول شي انا ولدت قبل اسبوعين كان يوم السبت
ولدت في الاسبوع الثالث من الشهر التاسع
المهم
صحيت الجمعه الصبح للحمام وانتو بكرامه وانا رايحه حسيت بشي نزل مني دفعه وحده
سرعت للحمام وشفت لقيت افراز مخلط بدم احترت كثير وعملت موضوع بالمنتدي بخصوص هالامر
وردن العضوات ان هذه سدادة الرحم
المهم خفت وقلت أكيد قربت ساعه الصفر
بعدين اتصلت علي اختي المتزوجه وحكيت لها قالت لي اذا تكرر معاك الامر روحي المشفي
المهم قعدت اتمشي وادعي ربي وانتظر كان هالكلام في حدود الساعه 9 الصبح
بعدها بساعه بدا معي طلق علي خفيف زي الم الدوره
المهم ضليت اتمشي واكل رطب واشرب ماي زمزم وادعي لغاية الساعه 10 بالليل
والطلق مستمر وصار يجي كل نص ساعه احترت اروح ولالا واخبر امي ولالا
المهم خفت وقلت ما بروح من الخوف وكتمت الامر واللي يسالي اقول بخير والامور تمام
وانا من داخلي مرعوبه من الولاده وفي نفس الوقت ابي اولد وارتاح
جهزت شنطتي ورحت اتحممت وقلت الوقت ليل بصبر للصبح وبعدين اروح
طبعا انا عند اهلي وزوجي مريض برا البلد يعالج (لا تنسوه من دعائكم الله يشفيه ويرده لي سالم )
المهم ما تعشيت قلت خلي جسمي خفيف من يعلم مرات اولد قيصري والاكل يتعبني
شربت عصير وقعدت في فراشي وادعي وما نمت ابد كان الطلق يجي كل ربع ساعه هالكلام كان عالساعه 12
وخفت وقلت قربت ياتري اصبر للصبح ولا اروح اللحين
من خوفي وقوة الطلق قلت بصبر للصبح قعد ابحث في النت عن ادعيه لتسهيل الولاده واقرا وادعي
المهم زاد الطلق وصار كل عشر دقايق وصرت مااتحمل شفت الساعه لقيتها الساعه 3 الفجر
دخلت للحمام نزل مني دم
قلت خلاص مااقدر صحيت اختي واتصلت علي اختي المتزوج هاجت هي وزوجها خذوني للمشفي
المهم رحت وانا مرعوبه واقول خلاص هانت وفي نفس الوقت اقول ايش اللي مستنيني
وصلت للمشفي للاسعاف لقيت وحده يا دوب جايه قالت تعبانه وشكلي حتي انا بولد الليله
اجت الدكتوره وكشفت عليا قالت الرحم مفتوح5 سم عملتلي تنويم وفتحت ومن الكشف نزلت الماي تبع الجنين
كنت لحد الان الام محتمل
وكشفت الدكتوره علي المراه الثانيه قالتلها رحمك مفتوح 1سم وصارت تصارخ
الدكتوره قالت لها روحي البيت وتمشي انا حكيت قصه هالمراه عشان اوريكم شغله
الدكتوره لما شافت المراه الثانيه تصارخ قالت لها شوفي هذه رحمها مفتوح 5سم وما صارخت
المهم شكلها عين من اول ما قالت الدكتوره هالكلام
والله يا بنات صارلي الم غريب وصرخت من اول ما قالت الدكتوره هالكلام
والله العين حق يا بنات ارقوا انفسكم زين
المهم صرت اصارخ وشكيت ان الالم جاني من العين صارت الساعه 4ونص اجت كشفت من جديد
قالت رحمك مفتوح 7 سانتي وقالت خلاص قربتي نحنا نستنا لغاية 10 سم
اجت الساعه 6 خلاص تعبت كشفت علي قالت 9 سم يا ولاده والله الكلمه حست ساعه الفرج اجت
انتظرها خلاص برتااااح
المهم ولدت ورتحت كان الام كله في الطلق اما خروج الجنين والخياطه كان اسهل بكثير
والحمدلله ولدت وجبت احلي بنوته :076:
الله يحفظها ويقر عيني وعين ابوها بيها
اعتذر طولت عليكم
بس عندي طلب منكم
ادعو لزوجي بالشفاء
وسلامتكم
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:59 PM

converter url html by fahad

 



Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
Adsense Management by Losha
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47