منتديات نورة الحربي

 

 


العودة   منتديات نورة الحربي > مواضيع منقولة من مواقع اخرى

إضافة رد
 
أدوات الموضوع انواع عرض الموضوع
  #1  
قديم 12-26-2012, 10:21 PM
rss
Guest
 
المشاركات: n/a
افتراضي اعدادى هندسه

 

اعدادى هندسه
اعدادى هندسة
اعدادى هى اهم سنه لأنها أكبر مجموع من ناحية الدرجات ..وهى الى حتخدم المجموع التراكمى ...كمان لو انت جبيت جيد فى اعدادى مثلاً فاعلم انك بمجهود مماثل حتجيب جيد جداً فى سنه أولى بإّذن الله..
والصعوبة فى كونك حتعيش فى مكان الدراسة- المغتربين- ... ومع الوقت حتتعود ...ولازم تتعود وتتأقلم على الوضع الجديد .. وتحبه!!
قبل منتكلم على المواد ..لازم أضع أمام نصب عي*** نصيحة وأنت حر!!


1 - عايز انجح أولاً .. ثم عايز أفهم ثانياً .... ولو قدرت تجمع بين الاتنين ..تبقى تمام ..
واعلم انك لو اجتهت علشان الأولى حتقابلك الاسئلة الى حتوصلك للفهم ..دونها فى ورقه على جنب واسأل ..واوعى تنسى .. السؤال فى حد ذاته علم... والسؤال هو الى حيوصلك للتفوق .النجاح ..والفهم كمان.

2- ذاكر بسرعه ... واكتب بسرعه .. وبيض محاضراتك بخط مفهوم وسريع ... مضيعشى وقت فى كتابة المحاضره ... والقراءة بدون غرض ... ودايماً لازم مذكره الامتحانات قدامك اى شيت تحله ..بص فيها شوف ممكن تسأل فى ايه...

ودية تحققها.. بالتدريب وكمان ...لازم تصاحب حد اكبر منك ..على الاقل تتعرف على حد متفوق فى أولى . واسأل السؤال علم .... والصداقة دى صداقة **لحه!!!
لو تقدر تخليها صداقة **لحها وصداقه فى الله كويس جداً...
المهم تاخذ منه محاضراته وسكتشاته ... وحلوله .... وتوعده انك حتسلمهاله فى آخر السنه بإذن الله وتوفى بعهدك ..لانك حتحتاجه فى 2و 3و 4....

3 – أيام الاجازات .. هى الفيصل بين المتفوق .. والعادى ....استغلها..

4- علاقتك لازم تكون طيبة مع المعيد ... علشان أعمال السنة .. وفى المعمل يعنى صاحب المعيد ... احترمه ..

مادة الرسم الهندسي
المادة كما أتذكر من 300 درجة.. وتدرس فى الترم الأول والتانى .. والامتحان فى نهاية الترم التانى وبالنسبه ..

أعمال السنه ظاهرة فى كلية الهندسة أعمل حسابك انك مفروض تدخل الامتحان وانت نا جح فى اعمال السنه ... وعموماً انت بتاخد درجات اعمال السنه لكن الرسم درجات اعمال السنه فى ايدك ...

صاحب طالب مدنى او عماره ... وخليه يشرحلك اساسيات الرسم .. واشترى سكتش رسم ليك انت .. وارسم مع نفسك .. وحل تمارين الكتاب ..واسأل دايما ً زميلك ..والدكتور ...

حتتعود ... وحتحب الرسم ..

الرسم له صاله اسبوعية ... بتجيب لوحة رسم وأدوات الرسم ... وتدخل الصالة مع سكشنك .. وتبدأ تثبت اللوحة على التربيزه ... وكل اسبوع ترسم لوحه وتعلمها بعد متخلصها ..والدكتور يقيدلك درجتك ... وهكذا كل اسبوع ..

ارسم اللوحه قبل متروح ..فى اسكتشك ..او اعرف حلها قبل متدخل .. وترسم .. علشان تضمن تاخد 9 .. و9 فوق 9 ..تضمن تقدير رسم يعنى تفوق بإذن الله .. ولما تشوف التراكمى فى آخر سنه حتدعيلى لان اعدادى حتسندك كتيييييير يا مان...

أما منهج الرسم الهندسى
فى البدايه .. حيحفزك انك تحب المادة ويعرفك انها لغة المهندس ... ويقلك أن القلم الرصاص هو قلم المهندس ..
وحتاخد تمارين لتحسين خطك وتعود ايدك على الرسم .. وطريقة تثبيت المسطرة والمثلثات على اللوحة .. وعمل الخطوط .. والعمودى ... ورسم خطوط مائلة بزاويا 30و 60و 45 وهكذا ...
ثم تدخل فى استنتاج المساقط .... لاشكال ميكا***ية .... وتدخل فى المنهج ... وحتحب الرسم إن شاء الله ..

مادة الرياضيات
منهج الرياضة حيكون بالانجليزى ..و دى مش مشكلة انت حتتعود على كدا ..يعنى ص حيسميها y و س حيسميها x وتعرف ال**طلحات الاساسية زى احسب , compute عين أو حدد determine ... زائد **طلحات هندسية سيتم معرفتها زى triangle مثلث.. منحنى curve وهكذا ..

حتدرس تفاضل وتكامل ...فى كتاب حيدرسه لك دكتور .. ومنهج الجبر حيدرسهولك دكتور أو دكتورة ... فى كتاب آخر
الامتحان من 150 درجة والورقة فيها الجزئين ... وفى نهاية الترم الأول طبعاً هناك امتحان أعمال سنة .. عليه درجات .. زائد درجات حضور السكشن ... ويمكن الدكتور ياخد غياب فى المحاضره ..
المادة دى مادة امتياز متفرطش فيها ...

منهج التفاضل
بيتكلم عن النهايات بتاعت الثانوى واضافات أخرى .. مسائل واثباتات .. واللوغريتمات...والدوال ...الاشتقاق ..وهنا حتاخد اشتقاق كلى وجزئى .. والتكامل وانواعه ..والبقية فى الترم الثانى.. الذى يبدأ بالتكامل وانواعه... وهكذا ..

نصيحتى للإمتحان فى حضور المحاضرات .. وحل الشيتات وتمارين الكتاب .. ولو الامتحانات كمان تبقى ممتاز .. المادة دى من المواد الى انت حتحبها .. لو محبتهاش يبقى راجع نفسك كويس!!

اما من ناحية الاهميه فانت ستحتاج الاشتقاق .. والتكامل كثيرأ خاصة لو قدر لك تدخل كهربا او مدنى .. او منهج اى رياضة فى اى سنه اعلم انه لخدمة السنين القادمه ..فممكن تعملك وريقات بعد كل سنه فيها ملخص القوانيين .. والتكاملات الصعبة وهكذا ...لتوفر على نفسك عناء مراجعة الكورس ..او التواكل على زمييل..

الجبر
فحسب الاهمية ال**فوفات ..ونظرية ذات الحدين ..جبر المتجهات ... ونظرية حل المعادلات ...وهكذا

بالمثل انت اكيد **ور حلول ... او زى ما اتفقنا معاك اسكتشات زميل اكبر منك وشاطر ... تساعدك فى الوقت ... وفى الاسبقية فى المذاكره ..
واحذر من نظام الخلاصه معايا وقبل الامتحان اذاكر ....

بالمثل حاول تعمل وريقة فيهل ملخص قوانين ال**فوفات ونظرية المعادلات وذات الحدين
بعد نهاية الترم

by eng mohamed elsherif
الفيزياء لأعدادي
by ahmed osama
أول حاجه يا جماعه لازم تعرفو أن الفيزيا ماده أساسيه لكل الناس اللي ناويين يدخلو كهربا أو ميكا***ا
الحاجه التانيه أنك لازم تحضر كل السكاشن والمعامل لأان الحاجات دي بتجمعلك درجات كتير وأنت مش حاسس

 

 


نبدأ بقى ناخد الماده حاجه حاجه

المحاضرات
لازم تحضر المحاضرات كلها وتكتب كل حاجه ورا الدكنور وخصوصا الحاجات الصغيره لأن دي هي الحاجات اللي بتيجي فالأمتحانات ولو الدكتور حل مسائل فالمحاضره ركزو عليها شويه وحاول تخرج من المحاضره وأنت فاهم معظمها سواء كان الفهم ده من الدكتور نفسه أو من زميلك

السكاشن
السكاشن برده لازم تحضروها عشان تضمنو درجات أعمال السنه وكمان هيتعمل أمتحانات فالسكاشن عشان تتعودو على شكل الأمتحان فبرده حضور السكاشن مهم أوي

المعمل
المعمل ده بقى حكايته حكايه
أول حاجه مفيش حد هيشرحلك حاجه فالمعمل
انت بتبقى معاك كتاب المعمل ومعاك فيديوهات عليها شرح التجارب كلها
أنت قبل كل معمل لازم تكون محضر التجربه بتاعتك وتدخل تعملها والتحضير بتاعك ده بيبقى عليه درجات
طب في حد ممكن يسأل وهو أزاي المعيد هيعرف أني محضر التجربه ؟
في بعض المعيدين بيدخلو قبل ما الناس تبدأ التجربه يسألوك بعض الأسئله لو جاوبت تبقى محضر

الميدترم
الميدترم مهم لأنه بيخليك تزاكر الحاجات اللي أنت أخدتها وميتراكمش عليك حاجات كتير وبرده بيلم درجات كتير أوي لأن كل ميدترم من 20 درجه

طريقة المزاكره
لازم تزاكر المحاضرات كويس أوي وتحل المسائل اللي فيها ولو الدكتور قال على مسائل فالكتاب لازم برده تحلوها
الشيتات أهم حاجه فالماده دي يا جماعه نصيحه لازم تحلو الشيتات كلها وهتلاقو الحلول بتاعت الشيتات دي بتنزل فالمكاتب لو عاوزين تجيبوها هاتوها بس لازم تحلو بإيديكو متقروش الحل وخلاص
وهتلاقو المعيدين بينزلو ورق تزاكرو منه كل واحد يشوف الورق اللي يعرف يزاكر منه ويجيبه
وياريت لو كان فاضل وقت حاول تقرا الكتاب كمان وتشوف الأمثله المحلوله فيه برده دي حاجه مهمه

وفاضل بس أني أقولكم أن الماده من 300 درجه 90 فاينال أول و 90 فاينال تاني و50 أمتحان عملي غير الميدترمات وأعمال السنه
وربنا يوفقكم





hu]h]n ik]si

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share

RSS RSS 2.0 XML MAP HTML

الساعة الآن 08:01 PM

أقسام المنتدى

الشريعة و الحياة | المنتدى العام | مـنـتـدى الـعـرب الـمـسافـرون | أزياء - فساتين - عبايات - ملابس نسائية - موضة | مكياج - ميك اب - عطورات - تسريحات شعر - العناية بالبشرة | װ.. أطآيبُ ״ شّهية ]●ะ | اعشاب طبية - الطب البديل - تغذية - رجيم - العناية بالجسم | ديكور - اثاث - غرف نوم - اكسسوارات منزلية | صور - غرائب - كاريكاتير | {.. YouTube..} | منتدى الاسئله والاستفسارات والطلبات | مواضيع منقولة من مواقع اخرى | اخبار التقنية | مواضيع منقولة من مواقع اخرى2 | منتدى تغذيات | منتدى تغذيات الكلي | قِصصْ الأنْبِيَاء | قِسمْ الرَّسُول الكَرِيمْ والصَّحَابة الكِرامْ | القِسمْ الإِسْلاَمِي العَامْ | قِسمْ المَواضِيْع العَامَّة | قِسمْ الشِعرْ والشُعَرَاء | قِسمْ الخَوَاطِر المَنقُولَة | قِسمْ الصُوَرْ | قِسمْ القِصصْ والرِوَايَات | قِسمْ حَوَّاءْ | قِسمْ الطِب والصِحَّة | قِسمْ الصَوتِيَّات والمَرئيَّات الإسْلاميَّة | قِسمْ مَطبَخ صَمْت الوَدَاعْ | قِسمْ الدِيكورْ | قِسمْ كٌرَة القََدَمْ العَرَبِيَّة والعَالمِيَّة | قِسمْ المكْياجْ والإكْسسْوارَات | قِسمْ المَاسِنجرْ | قِسمْ الِسِياحَة والسَفرْ | قِسمْ أَفْلاَمْ الكَرتُونْ | قِسمْ الفِيدْيو المُتَنَوعْ | منتديات الرياضة | اخبار | مواضيع منقولة من مواقع اخرى3 | موقع اجنبي | كوكو فرنسا | كوكو هندية | كوكو روسي | كوكو دنمارك | كوكو ياباني | اخر اخبار العولمة | عالم الحياة الزوجية | عرض أحدث عمليات البحث الشائعة |



Powered by vBulletin® Version 3.8.8 Beta 1
Copyright ©2000 - 2017, KingFromEgypt Ltd Elassal
Adsense Management by Losha
This Forum used Arshfny Mod by islam servant