منتديات نورة الحربي

 

 


العودة   منتديات نورة الحربي > مكياج - ميك اب - عطورات - تسريحات شعر - العناية بالبشرة

إضافة رد
 
أدوات الموضوع انواع عرض الموضوع
  #1  
قديم 11-29-2012, 03:01 PM
rss
Guest
 
المشاركات: n/a
افتراضي الولادة فى الماء

 

الولادة فى الماء
الولادة الماء

لسلام عليكم اخواتى كيف حالكم انشالله تكونو بألف خير ورمضان مبارك عليكم اليوم راح احكيلكم قصت ولادتى ببنتى رواسى وانا بكر وهذى اول ولاده ليا وكنت خايفه ومتشوقه فى نفس الوقت انى نشوف بنتى اللى انتضرتها اكثر من سنه والحمدلله بعد تقريبا سنه و4شهور من زواجى حملت بها وسبحان الله حملت بها وانا فى شمال اسكتلندا طالعه مع زوجى عنده بعثه دراسيه من اول شهر حملت بها وصرت انتضر قدوم بنتى بكل الشوق اللى فى الدنيا المهم لمل قرب موعد ولادتى خيرونى بالمستشفى بين انى اولد على السرير او اولد بحوض الماء طبعا على طول اخترت حوض الماء لانه سمعت انه احسن ويخفف الالم واهم حاجه انه ماتحتاجش فتح اى شق العجان , جاوقت ولادتى بدأءت معى الام الولاده رحت المستشفى سوتلى القابله كشف لقت مفتوح سانتى قالتلى مازال روحى ارتاحى بالبيت واعملى شوى رياضه خفيفه وحمام دافىء يساعدك انه الرحم ينفتح بعد ماخرجت منها الساعه 11صباحا تقريبا رحت البيت سويت حمام واحاولت انام بس ماقدرت من الالام جت العشيه والالم موجود نزلت تمشيت تقريبا ساعتين وروحت البيت ومازال الالم متواصل بين كل طلقه وطلقه 7دقائق بضبط وبعد المشى صار بين كل طلقه وطلقه 4دقائق جت الساعه 10 ليلا رحت المستشفى عملتلى كشف لقت الرحم مفتوح 3سانتى واه نسيت اقولكم انه الكشف ساهل بشكل مش ممكن تتخيلو ماحسيتش باءى الام علما بانى كنت خائفه منا هنا فى اسكتلندا القابله تقعد ساعه وهى تعتذر عشان تبى ادير كشف وتخاف تألمك وياريته فى الام تكشف بى 3اصابع فقط من يدها وجدا سهل المهم سوت الكشف وقالتلى مازال كان تحبى اقعدى هنا بالمستشفى لين ينفتح الرحم او تروحى البيت ولما يزداد الام اوتنزل ماء الجنين تعالى طبعا اخترت اروح البيت ورحت البيت نقعت روحى بماء دافى وبعدها عملت تمارين على كره الكبيره اجلس واتنطط عليها تساعد فى فتح الرحم وضليت على هل الحال لعند جت ساعه 2ونص زوجى معش استحمل الامى قالى خلينا نروح المستشفى وانا نقوله لا مازال اصبر عليا ورحنا وسوتلى كشف لقتنى مفتوحه 4سانتى وقالتى هذالوقت المناسب اللى تدخلى فيه للحوض الماء لانه حيساعدك انه رحمك يفتح بسرعه وفعلا لقيتها مجهزه الحوض كبير ومعبئ ماء دافيه والغرفه اضاءتها هاديه جو رومانسي هههههه , دخلت الحوض بعد خلع ملابسى كلها والله على شعور الماء احساس حلو جسمك كله يسترخى وتحسين نفسك بتنامين ولله لدرجة انى انام شوى ولاما يجينى الام اصحى وعطونى غاز كان اسمه تقريبا (الاكسيد النتري)يرخي الاعصاب اتنفسه لما يجينى الالم عشان ينضم تنفسى والغاز يحسسك بتخذير بسيط ويخفف الام وااجد وقعدت فى الحوض من ساعه 3تقريبا ولالم تزيد وتزيد ومتواصله وبعد ساعه ونص تقريبا نزلت ماء الجنين والام زادت وبدت بنتى تاخذ وضع الخروج والقابله تقولى استرخى ومتدفعيش الجنين هو توا يطلع بروحه وفعلا بديت ارخى اعصابى ومع الغاز كان يساعدنى كثير فى استرخاء ,تخيلن يابنات سوتلى كشف من غير ماتلمسنى بس قربت مرايا منى من تحت وقالتلى مفتوح 7 سانتى لسه لازم توصلى 10 سانتى وانا من الام الطلق صرت اقوللها افتحينى ديرى اى حاجه وطلعيها تعبت من الام صارت تهدينى وزوجى مسكين صار يهدينى وجوده معاى خفف عليا واجد وبأذن الله ولادتى الجايه اشترط على المستشفى يدخل معى زوجى لانه ساعدنى واااجد وخفف عليا وعطانى قوه ,,, تركت الموضوع وصرت امدح فى زوجى وحبيبى ربى يخليه ليا ويخليلنا بنتنه يارب . المهم ضليت اتألم لين انفتح الرحم 10سانتى دون اى تدخل من القابله فقط تشجع فيا وتابع فى نبض الجنين كل شوى بسمعات خاصات لين انفتحت وجا وقت خروج احلا ملاك ربى رزقنى اياه صرت ابى اطلعها بسرعه دفعت اول دفعه طلع فيها راسها واستمريت ادفع منعتنى من الدفع قالتلى هكى تضرى نفسك ارتاحى شوى واول ماتحسى انه جسمك يبى ينفضها ساعديه ودفعى وضل راس بنتى برا ورتحت ثوانى وجاء الام قوى وحسيت انها تبى تطلع دفعت بقوه والقابله تتفرج عليا لاسحبت بنتى ولالمستها تركتها خرجت بروحها فقط لما دفعت بنتى طلعت تسبح فى الماء تلقتها وخرجتها وحطتها على صدرى وبنتى ساكتها ونايمه على صدرى الله يابنات على هل شعور انشالله كلكم تجربوه حسيت نفسى ملكت الدنيا كل حاجه حلوه عندى كل ماتمنيت جانى يوم جتنى بنتى نور اعيونى , ضلت بنتى تقريباربع ساعه على صدرى وصارت تصحيها تلعب على خدودها لين بكت وسمعت اول بكيه لها وبعدين زوجى قطع الحبل السرى ولفوها ومسكها زوجى وبعدين اعطونى ابره عشان يطلعة بقايا الحبل السرى والكيس اللى كانت فيه بنتى وفعلا 5 او8دقائق وطلعونى من الحوض وضليت نايمه على سرير جنب الحوض غطونى وحطو بنتى جنبى ورضعتها وصارت ترضع بعد تقريبا ساعه دخلتنى الحمام سويت حمام وطلعت لغرفه وشوى جابوها ليا محممينها وملبسينها وحطوها عندى اه وعلى فكره دخلت الحوض ساعه 3 والساعه 5ونص جبت بنوتى وهذى قصتى مع الولاده فى الماء وانشالله مااكونش نسيت حاجه وانا جاهزه لأى استفسار او سوأل واسفه على الاطاله دوختكم معاى والسلام عليكم ورحمت الله وبركاته


hg,gh]m tn hglhx

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share

RSS RSS 2.0 XML MAP HTML

الساعة الآن 02:48 AM

أقسام المنتدى

الشريعة و الحياة | المنتدى العام | مـنـتـدى الـعـرب الـمـسافـرون | أزياء - فساتين - عبايات - ملابس نسائية - موضة | مكياج - ميك اب - عطورات - تسريحات شعر - العناية بالبشرة | װ.. أطآيبُ ״ شّهية ]●ะ | اعشاب طبية - الطب البديل - تغذية - رجيم - العناية بالجسم | ديكور - اثاث - غرف نوم - اكسسوارات منزلية | صور - غرائب - كاريكاتير | {.. YouTube..} | منتدى الاسئله والاستفسارات والطلبات | مواضيع منقولة من مواقع اخرى | اخبار التقنية | مواضيع منقولة من مواقع اخرى2 | منتدى تغذيات | منتدى تغذيات الكلي | قِصصْ الأنْبِيَاء | قِسمْ الرَّسُول الكَرِيمْ والصَّحَابة الكِرامْ | القِسمْ الإِسْلاَمِي العَامْ | قِسمْ المَواضِيْع العَامَّة | قِسمْ الشِعرْ والشُعَرَاء | قِسمْ الخَوَاطِر المَنقُولَة | قِسمْ الصُوَرْ | قِسمْ القِصصْ والرِوَايَات | قِسمْ حَوَّاءْ | قِسمْ الطِب والصِحَّة | قِسمْ الصَوتِيَّات والمَرئيَّات الإسْلاميَّة | قِسمْ مَطبَخ صَمْت الوَدَاعْ | قِسمْ الدِيكورْ | قِسمْ كٌرَة القََدَمْ العَرَبِيَّة والعَالمِيَّة | قِسمْ المكْياجْ والإكْسسْوارَات | قِسمْ المَاسِنجرْ | قِسمْ الِسِياحَة والسَفرْ | قِسمْ أَفْلاَمْ الكَرتُونْ | قِسمْ الفِيدْيو المُتَنَوعْ | منتديات الرياضة | اخبار | مواضيع منقولة من مواقع اخرى3 | موقع اجنبي | كوكو فرنسا | كوكو هندية | كوكو روسي | كوكو دنمارك | كوكو ياباني | اخر اخبار العولمة | عالم الحياة الزوجية | عرض أحدث عمليات البحث الشائعة |



Powered by vBulletin® Version 3.8.8 Beta 1
Copyright ©2000 - 2017, KingFromEgypt Ltd Elassal
Adsense Management by Losha
This Forum used Arshfny Mod by islam servant