منتديات نورة الحربي

 

 


العودة   منتديات نورة الحربي > منتدى تغذيات > قِسمْ القِصصْ والرِوَايَات

إضافة رد
 
أدوات الموضوع انواع عرض الموضوع
  #1  
قديم 11-02-2012, 08:28 PM
rss
Guest
 
المشاركات: n/a
افتراضي رواية لا عنوان

 

رواية لا عنوان
روايتي الاولى يا رب تنال اعجابكم :t130:
فيها من الحقيقة وفيها من الخيال :t024:


الباااارت "1" :t152:
...: بابا بليز خلينا بالاردن مابدي ابعد
....: بس يا حبيبتي لازم نرجع مالنا حياة بعد امك هون
بدت تبكي وحضنها ابوها بحنان كبير وقال وهو بيمسح على شعرها
...: يا حبيتي يا ريت تتفهمي بعدين كل بنات عمامك وعماتك هناك واكيد رح بتنبسطي بالعيشة افهميني حبيبتي انا ما الي بالدنيا غيرك بس برضو انا بحاجة لأخواني وابي يرضو علي هلئ
...: اه يا بابا وانت كمان كل دنيتي ومالي بالدنيا بعدك وبنسافر متل ما بدك
...: الله يخليكي الي يا سيلين ولا يبعدك عني
بكت بحضن ابوها اكتر واكتر وهي بتحس انو حياتها انتهت من بعد ما رح تترك الاردن وهي البلد الي عاشت فيها كل حياتها بين امها وابوها وهي وحيدتهم ما توقعت انها تقدر تترك حارتها وصحباتها بس خلاص ابوها لازم يرجع على بلادو بعد ما ماتت امها بمرض عضال امها الي ابوها حبها من قلبو وترك كل عيلتو عشانها اجا عندها على الاردن واتجوزها اتحدى ابو وخوانو واكيد هم ما رح يرضو عنو بعد ما قطعم 18 سنة من دون ما يشوفهم سيلين بعدت عن حضن ابوها وهي تدعي ربها انو حياتها تمشي على خير دخلت غرفتها واتصلت على تلفون بيت صاحبتها سارة

 


سيلين : الو
....: الو ... سيلين !
....: اهلا عامر ممكن اختك سارة
عامر : سيلين شو مالك انت عم تبكي

 


ما قدرت تتحمل كان اخو صديقتها سارة عامر متل اخوها صح كانو اول تعارفها على سارة ما تطيقو بعدين طيبتو بينت وصارت متل اختو واعز سمع نهنهتها على التلفون وما قدر يتحمل قال بعصبية
عامر : سيلين في حد اذاك شو مالك فيكي شي
قالت وهي بتحاول تهدي بحالها
سيلين : عامر بليز ناديلي سارة والله مو متحملة
عامر : ماشي يا سيلين بس انا بحسبة اخوك واذا بدك شي انا موجود لحظة بس اناديلك سارة
سيلين : عامر عامر لحظة بس
عامر : نعم سيلين بتامري بشي
سيلين : ممكن تجي سارة عندي وتنام
عامر : بس يا سيلين
سيلين : بليز عامر طلبتك لا تردني يمكن هادي اخر مرة اشوفها
عامر : شو بتقولي ؟ ليش وين رايحة ؟
مرت سارة جنب عامر وهو بيحكي بتلفون ولما سمعتو بيحلكي اشتغل الفضول او اللقافة فجلست جنبو
سيلين : جيبها وانا بقلكم انتو التنين
عامر : اوك سيلين بس مشوار الطريق
سيلين : اوك باي
عامر : باي
تنهدت سيلين بس سكرت الخط وراحت تلبس اما بالنسبة لسارة وعامر فاول ما سكر عامر الخط قال لسارة بسرعة
عامر : قومي البسي وخدي معك بجامة رح تروحي تنامي عند سيلين الليلة
سارة : شو!!! بس
عامر : ولا بس ولا شي يلا بسرعة انا بستناكي بالسيارة
سارة وهي مستغربة : ماشي
وطلعت تلبس فوق بسرعة وهي فرحانة لأنو عامر قبل انو يخليها تروح تنام عند سيلسن وبنفس الوقت مستغربة وحاسة بضيق مو طبيعي ... كانت ام سارة وعامر وابوهم مسافرين وبيرجعو بعد اسبوع فعشان هيك كانت سارة تروح وتجي عادي بعد شور اخوها الكبير عامر الي بيدرس بالجامعة سنة اولى خلصت سارة لبس بسرعة لبست جينز ازرق فوقه بلوزة بنفسجي فاتح "موف" وفوقها جاكيت جينز وربطت شعرها القصير الكستنائي عالي ونزلت الغرة حطت كحلة على عيونها البنيات الوساع وغلوس على شفاهها الصغيرة ما كانت بحاجة انها تحط بودرة لأنو بشرتها صافية وبيضا ونزلت لاخوها الواقف ادام سيارتو ال"bmw" الزرقاء كان لابس جينز اسود وفوقه بلوزة بيضاء عليها كتابة انجيليزي بجسمو الرياضة وطولو كان اسمر سمار جذاب بعيون عسلية مع رموش طويلة وانف حاد وشفاه صغيرة حادة ركبت سارة السيارة وعامر طار طير لبيت سيلين الي حس بخوف مو طبيعي عليها كان طول الوقت بالسيارة بخلل اصابعو بشعرو الاسود الكثيف وهادا كان اكبر دليل على توترو سارة كنت بتطلع عليه ومو قادرة تحكي شي وحست انو في شي غلط وقفو امام بيت سيلين نزلت سارة بسرعة وهو سكر السيارة ونزل وقف جنب سارة وابتسم الها ابتسامة تشجيعية ورن الجرس العمارة الفخمة خرج صوت سيلين
سيلين : مين
عامر : هادا انا
سيلين : عامر!! هلئ بفتح الباب.


فتحت باب العمارة من عندها ودخل عامر وسارة العمارة طلعولها بال**عد ودقو الباب فتحت لهم ومبين عليها الحزن كانت بتلبس بنطال فوشي على توب اسود وفوق التوب جاكيت فوشي قصير ونص كم شعرها الاسود الطويل لفته ببكلة وكورته على شكل كعكة ما كانت حاطة مكياج ومع هيك منظرها بيجنن وكتيير كيوت كان في اكمن خصلة نازلة على وجهها مع انها رافعة الغرة كمان كان عمار بسميها الباربي وكان معه حق فعينيها واسعات لدرجة انك بتحسك انو ادامك انمي رموشها طوال ولون عينيها رمادي على ازرق انفها صغير تقريبا متل نانسي عجرم لكن من الله من غير عمليات تجميل شفافيها زهريات برسمة القلب .اول ما شافت سارة صديقة عمرها حضنتها على طول وبكت وعامر بتطلع عليها ويموت ويعرف شو مال هالملاك الي بيمشي على الارض حضنتها سارة ومشت معها لغرفة الجلوس جلستها وطلبت من عامر يروح على المطبخ ويجيب كاسة مي كان هادا الوضع عادي فسيلين وابوها متعودين على سارة وعامر كأنهم اهل البيت راح عامر وجاب كاسة مي ورجعلهم اعطى سيلين الكاسة وشربت وهي بتبكي وجلس جنبها هديت شوي فقال عامر بقلق عليها
عامر : سيلين بسير هلئ تحكيلنا شو مالك؟ وشو صاير عليكي؟
سيلين : ااااااه يا عامر
سارة : لا تخوفينا عليكي سلين بليز احكي شو في !
سيلين : سارة انا رح اسافر على الرياض واعيش ه***
عامر وسارة بصوت واحد : شوووووو
عامر : شو بتقولي انت
سارة : سيلين انت بعقلك معئول ترجعي وابوك الي بدو هيك
سيلين : متل ما سمعتو
سارة : طيب شو القصة فهمينا
سيلين وبصوت حزين وفي حشرة بكى : ابي بيقول انو من بعد ما ماتت ماما السنة الماضية واحنا مو عارفين نعيش لا نهارنا نهار ولا ليلنا ليل وحيدين وبيقول انو بدو مين يدير بالو علي اذا مات لا سمح الله وما النا قرايب هون متل ما بتعرفو ماما مقطوعة من شجرة وابي متخاصم هو وابو وخوانو وبدو يصلح العلاقة بينهم بعد 18 سنة غياب تخيلو
عامر : وانت راضية انك تتركي الاردن وتعيشي بالرياض
سيلين : عامر ابي كتير ضحي لأجلي انا وامي وهادا اقل شي ممكن اعملو عشانو هوقلي اذا كنت بدي ابقى ببقى بس انا مو قادرة اشوف ابي بعد اليوم وهومهموم وحزين مو قادرة انا بموت باليوم مليون مرة لاني بفتقد امي وما بدي افقد ابي كمان حاسيتو بيموت من الحزن بنحاول نخفف على بعض فقد امي بس مو قادرين وابي بحاجة هلئ لأبو وخوانو متل ما انا بحاجة لألو واذا ابي تصالح مع عمامي وجدي اكيد رح تتحسن نفسيتو وهادا بينعكس علي رح نبدى حياة جديدة انا واياه بعيد عن كل شي بيزكرنا بماما وانشالله نقدر
تفهمو سارة وعامر الموقف وسكتو ما كان شي بينحكى كانو طبعا متألمين لفراق صديقتهم ولكن ما في اليد حيلة وهم عارفين اديه سيلين متعلقة بابوها وكان موت امها صعب وخصوصي بعد مرضها اخر سنين من حياتها قالت سارة
سارة :طيب رح بتقدري تتأقلمي بالرياض هادا الشي كتير صعب حياتنا كتيير بتختلف عن حياتهم
سيلين : ما بعرف يا سارة ما بعرف
عامر : الحياة ما رح تكون سهلة بس انت لازم تصبري عشانك وعشان ابوك هناك عيلتك واهلك ولازم تتأقلمي معهم
سيلين دارت وجهها على عامر ونظرت جوا عينو كان في شي ما بتقدر تفسرو كان حنان كان حب ما قدرت تعرف بس اكيد كان حزين مسك يدها بيشجعا بنظراتو بيعطيها قوة لتعيش لتتحدى الزمن ابتسمت وضغطت على ايدو
سيلين : انشالله يا عامر انشالله وبأقرب فرصة رح اجي على عمان وازوركم وانتو كمان انا ببعتلكم تزاكر وبتيجوني على الرياض
سارة تحمست : اكيد طبعا ما هيك عامر
ضحك عامر وسيلين على حماس سارة وبلشو يطلعو من المود الحزين فهبل سارة وخفة دم عامر كانت كفيلة بانها تخلي سيلين تضحك بعد نص ساعة كانت سيلين راجعة سيلين القديمة باستهبالها وشقاوتها وضحكتها بترن في البيت
دخل ابوها البيت فلقا عامر وسارة وسيلين وكان هادا الشي ما بيفاجئو وابتسم بس شاف سيلين بتضحك معهم دخل الغرفة وسلم عليهم وقال بحنية
جواد : سيلين حبيبتي طلعت عشان احجز التذاكر الرحلة للرياض يوم الاحد
سيلين بحزن : بكير بابا بس عادي يلا كلو عشانك بيهون
ضحك جواد ابو سيلين وقال : كل هادا حب الي لحالي
فنط عامر : وانا وين رحت
ورددت وراه سارة : وانا كمان
سيلين راحت وعبطت ابوها وباست خدو : كل هادي غيرة لا حقوق الحب محفوظة لجوادو
ضحك جواد على استهبال بنتو وعرف انها تقبلت الموضوع واستأذنهم وطلع
سارة : دوبنا نلحق يا سيلين رحلتك بعد يومين
سيلين باستغراب : نلحق على شو
سارة : على الحب
سيلين : والعشق
عامر : والحنان
ضحكو التلاتة على استهبالهم الي ما الو حدود بعديها قررو يكملو السهرة على *** هندي لسيف علي خان اسمو" Ta Ra Rum Bum " كان خيال وخصوصي لما اجت اغنية شيكا شيكا بلشت سيلين ترقص معهم على الاغنية لأنو حدرتها ابل هيك عدة مرات وتقريبا حفظتها اما سارة فكانت تتهبل معها من غير ما تكون تعرف الحركات اما عامر فكان يطالعم ويضحك ولما عملت سيلين حركة وحاولت سارة تقلدها فوقعت وقتيها عامر قلب على ظهره من الضحك وانكب كل البوب كورن على الارض بعد ما خلص ال*** قعدو شوي يحكو بعديها روح عامر على الساعة ثلاثة الفجر وبقيت سارة مع سيلين ونامت عندها .

.,.,انتهى الباااارت .,.,


توقعاتكم وارائكم بتهمني لا تبخلو علي فيها
اعذروني اذا كان في اي خطأ املائي بطبع بسرعة
واذا كان في اي استفسار انا موجودة



v,hdm gh uk,hk

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Bookmark and Share

RSS RSS 2.0 XML MAP HTML

الساعة الآن 02:18 PM

أقسام المنتدى

الشريعة و الحياة | المنتدى العام | مـنـتـدى الـعـرب الـمـسافـرون | أزياء - فساتين - عبايات - ملابس نسائية - موضة | مكياج - ميك اب - عطورات - تسريحات شعر - العناية بالبشرة | װ.. أطآيبُ ״ شّهية ]●ะ | اعشاب طبية - الطب البديل - تغذية - رجيم - العناية بالجسم | ديكور - اثاث - غرف نوم - اكسسوارات منزلية | صور - غرائب - كاريكاتير | {.. YouTube..} | منتدى الاسئله والاستفسارات والطلبات | مواضيع منقولة من مواقع اخرى | اخبار التقنية | مواضيع منقولة من مواقع اخرى2 | منتدى تغذيات | منتدى تغذيات الكلي | قِصصْ الأنْبِيَاء | قِسمْ الرَّسُول الكَرِيمْ والصَّحَابة الكِرامْ | القِسمْ الإِسْلاَمِي العَامْ | قِسمْ المَواضِيْع العَامَّة | قِسمْ الشِعرْ والشُعَرَاء | قِسمْ الخَوَاطِر المَنقُولَة | قِسمْ الصُوَرْ | قِسمْ القِصصْ والرِوَايَات | قِسمْ حَوَّاءْ | قِسمْ الطِب والصِحَّة | قِسمْ الصَوتِيَّات والمَرئيَّات الإسْلاميَّة | قِسمْ مَطبَخ صَمْت الوَدَاعْ | قِسمْ الدِيكورْ | قِسمْ كٌرَة القََدَمْ العَرَبِيَّة والعَالمِيَّة | قِسمْ المكْياجْ والإكْسسْوارَات | قِسمْ المَاسِنجرْ | قِسمْ الِسِياحَة والسَفرْ | قِسمْ أَفْلاَمْ الكَرتُونْ | قِسمْ الفِيدْيو المُتَنَوعْ | منتديات الرياضة | اخبار | مواضيع منقولة من مواقع اخرى3 | موقع اجنبي | كوكو فرنسا | كوكو هندية | كوكو روسي | كوكو دنمارك | كوكو ياباني | اخر اخبار العولمة | عالم الحياة الزوجية | عرض أحدث عمليات البحث الشائعة |



Powered by vBulletin® Version 3.8.8 Beta 1
Copyright ©2000 - 2017, KingFromEgypt Ltd Elassal
Adsense Management by Losha
This Forum used Arshfny Mod by islam servant