( بعض من تفاصيلي المبعثره )

( بعض من تفاصيلي المبعثره )

( بعض من تفاصيلي المبعثره )

غنيت له في غيابك اعذب الحاني .. والجفن من حر دمعات الموادع سقا
في وحدتي مع طيوفه تبكي اعياني .. في غيبته لا اهل لا ناس لا اصدقاا
ياوجد قلبن يحب بصدق ويعاني .. ماذلني في حياتي غير حب النقا
ياليت ربي يعيد العمر من ثاني .. ويزيح عني غرام البهذله والشقا
او ليت ابوها طلع من خلف جداني .. وفي كل يومن بها يجمع خفوقي لقا
ياكثر ما تطلبه نبضات شرياني .. ضاع العمر بالترجي ياعرب وش بقا ؟
حاولت اشيله من الخفاق ما امداني .. رفعت غيره بعيني ؟ فوق غيره رقا
الليل في غيبته ياكثر ما ابكاني .. وياكثر ما الجفن من حرته دمعي سقا

//

الله واكبر ياليالي غرامك .. تسوى العمر كله لو انها قليله
لامن ذكرت العاطفه مع كلامك .. تبكي عيونن في غيابك هزيله
رقيت بك ياكيف يرقى غمامك .. غيري وانا لجلك كتبت الجزيله
نسيت وادري ماملكت اهتمامك .. اموت ولا اعيش في الف نيله
اغار لا شفته يشده هيامك .. واغار لاشفتك تحب وتخيله
تعال عاتبني وقابل ملامك .. اجرح مدامه للمواصل وسيله
اشتقت لك متى يجيني سلامك .. بعدك تراها حالتي مستحيله

//

مو كل شي يحسه القلب ينقال
احيان جرحك يجبرك ماتكلم !
لاصارت الصدمات بالكم تنهال
حتى الحكي يبكي ترى ويتألم !
تنام والافراح تبني لك آمال
من قو فرحك في كلامك تلعثم !
وتقوم والصدمات ماهي على البال
من فجعتك حسبت نفسك تحلم !
حبيب عمري يابعد كل الازوال
وش غيرك ياروح روحي ابفهم !
ذاك الغرام اللي ضربو فيه الامثال
من حكي عذالي تبيه إيتحطم ؟
معقول تسمع حكيهم وانت ينقال
عنك بانك للرزانه معلم !
اقسم لك انك غير يا طيب الفال
موتي ترى من غيبتك والله أرحم !
بعدك همومي من على متني ثقال
والقلب دونك للجروح متسلم !
الحال ؟ كيف اوصفه يا معذب الحال
حتى الحكي لا من وصفته تألم
بعض الجروح بخافقي صعب تنقال
واهات قلبي تجبره مايتكلم !

//

مهما قسيت ورحت واقفيت عني
ابقى انا اجمل حدث في حياتك !
الحين تو الناس ماصاب ضني
اصبر تمهل شوف تالي قساتك
بكره يخلونك وحيد(ن) توني
وتدور اللي ؟ صدق عاشق صفاتك
انا براحه ناطرك مطمئني
انها بترجع تجلبك ذكرياتك !
بديت حبك موب من صغر سني ؟
لكني ادفى لاغفيت بعباتك
مثل اللقيط اللي ذبحه التمني ،
(يحلم بامه) وهي تسوي سواتك "(
خلوه في سن الطفوله متعني ،
يجمع شتاته مثل ما اجمع شتاتك
احس باحساس اشتياق واغني
وين انت ماكني اعز امنياتك
وين انت خفاقي من الشوق جني "
ضيع طريق الفرحِ ناطر لقاتك ؟
ماهمك شعوري وضحكي متدني !
يبعد شوي شوي تابع خطاتك
قسيت ثم وخرت بالهون عني
وانا تركت الكون واتبع حياتك !


















::
اتمنى ان ترتقي لذائقتكم
نزف قلمي

---

( fuq lk jthwdgd hglfuevi )