منتديات نورة الحربي

 

 


العودة   منتديات نورة الحربي > مواضيع منقولة من مواقع اخرى

سوء حاله المهندس المدنى (ياريت كله يدخل يشارك ويقولنا رأية)

إضافة رد
 
أدوات الموضوع انواع عرض الموضوع
  #1  
قديم 10-26-2012, 05:54 PM
rss
Guest
 
المشاركات: n/a
افتراضي سوء حاله المهندس المدنى (ياريت كله يدخل يشارك ويقولنا رأية)


سوء حاله المهندس المدنى (ياريت كله يدخل يشارك ويقولنا رأية)
السلام عليكم يا مهندسين (مع انى خلاص كرهت الكلمة دى )
بالذات بتوع مدنى (قسم الشعب )
ندخل على المهم اولا التدوير على الشغل ويطلع عينك فى السى فى وبعد كدة تفضل تلف تدور على الشركات وتبعت وتسيب السى فى ويقولولك حنتصل بيك لما نعوز !!وياريت حد بيتصل
وتلاقى السكرتيرة بتبصلك بنوع من الاشمأذاذ غريبه وفى منهم بيعطفوا عليك وسمعها بتتكلم براحة مع اى حد فى المكتب وتقوله (هما حتى المهندسين مش لقيين شغل ) وانت تضحك وتسيب السى فى وتمشى
ولو تقبلك من صحابك اوقرايبك اى حد يقولك ما تقدم فى المقاولين وطلعت **طفى واوراسكوم ومينا كأنهم واقفين مستنيين طلعطنا البهية (محدش عارف حاجة )
ولما ربنا يكرمك وولدتك تصحيك من النوم الساعة 3 العصر تقريبا على تليفون من شركة من الى انت حفيت وانت بتوزع عليهم السى فى طبعا ده بعد على الاقل اكتر من 3 شهور مش بعدها على طول يعنى
ويقولك عندك انتر فيو
انت بقى تلبس احلى هدوم وتستحمى وتنضف ولو عرفت او افتكرت الشركة دى بتاعه اية تطلع ورق الكورس لو عندك او تنزل تصوره تانى وتقعد تقراه لعلى وعسى تعرف تتجنب كلمه انت (fresh كلمه يكرها كل مهندس جديد وهما بقوا يقولوها على المهندسين كلها عشان متأقدرش تتكلم على المرتب)
وانت طبعا تروح تلاقى دفعتك كلها قاعده وغير كدة كمان تلاقى ناس اكبر منك وكمان دلوقتى بلاقى الدفعة الى اجدد منى موجودين بردوا حوالى 30 او 40 واحد مختلف التقديرات والاشكال ففى البداية يحصلك حالة من الاحباط فظيعة وانت فاكر انهم اتصلوا بيك اعجابا بلسى فى بتاعك
وتفضل مستنى دورك كأننا عند دكتور السنان
والمنظر الرائع لما واحد يخرج من الانتر فيو وكله يقوله ها عملت اية وبيسألوك فى اية وكله يبقى عايز يبقى فالح واحسن من الى قبله
وتلاقية يقولك بيسألنى حاجات غريبة وميريحكش بردوا
ندخل بققى على دورك انت >>>> تدخل تلاقى صاحب الشركة قاعد منجعس اووى وحاطط كام بورترية على الحيطة كدة وفيها شوية مبانى لازقة فى بعضها وكاتب عليها اسم الشركة يحسسك انهم عملوا السد العالى ويفضل يوقلك احنا عملنا المشروع ده عام 200 وكام وحورارت السنين
ويبتدى يبص فى السى فى ويقولك ازيك يا بشمهندس كذا .......... كأنك مش عارف اسمك . ويبتدى يسألك كنت مشروع اية وتقديرك اية واشتغلت فين وتعرف دكتور فلان ودكتور علان تبقى عايز تقأوله وانت مال ممتك
وبعد كدة طيب تعرف نحط قد اية اسمنت فى الخلاطة وهبل السنسن بقى من الاسئله وتبقى اساسا شركة استيل هههههههه
ونيجى بقى على المرتب يقولك حديك 300 او 400ج لحد ما تتعلم (طبعا ده للناس خريجة الدفعة بتاعه السنة يعنى احدث حاجة )
بيختلف الموضوع طبعا مع الناس الى اكبر سنه على الاقل فبيقوله ( مرتبك حيبقى 1000 ج شامل كل حاجة والشغل من 7.30 لحد 5 ) ولما حضرتك تروح يتصل بيك يومين فى الاسبوع يقولك فى اجتماع عشان نناقش الشغل
مع انك لسه مشتغل معاهم يعنى اصلا متعرفش حاجة ويطلعوا عينك بقى طول الشغل واعملنا حصر دى اسهل كلمه ينفخ بيها عليك
كل كام ساعهة تلاقى المهندس يتصل بيك ويقولك اعملى حصر السيراميك مع انه لسه ما جاش واحنا لسه شغالين فى الخرسانات بس هوا كدة وخلاص طبعا ملكش ولا ساعة راحة ولا حاجة كلها حوارات لو صاحب الشركة وصل الموقع ولقى فى ايدك اكل او شرب يبقى **يبة حتى لو ساعة ما العماله بيريحوا فأنت تتخنق وتلاقيه اخر الشهر كمان يعد عليك كام حاجة انت عملتها غلط طول الشهر يعنى ولا حاجة منك صح
وتنهى اموضوع انك بتنزل من المكتب مش طايق نفسك وتكرر انك متروحش الشغل تانى لان الموضوع مش مستحمل الاهانة دى كلها ولا مرتب ولا وضع
انا يا جماعه مش قصدى اعقد اى حد والله بس انا من الخنقة بتعتى قولت اكتب الموضوع ده والناس تدخل تشاركنى وتقولى هل فى امل وبالذات المهندسين الكبار يقولولنا اذا كنا نكمل فى المجال الهندسى ده ولا نروح نقف فى محل ملابس وخلاص ( وااقل بياع بياخد 1500 على فكرة)
ياريت تشاركوننا الرأى
(مهندس مدنى ياااااااااااااااااااااااااااااااااااااااااااااااأس )

s,x phgi hglik]s hgl]kn (dhvdj ;gi d]og dahv; ,dr,gkh vHdm)

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع