[من مطبخي] القرع العسلى طريقة القرع العسلى بالباشميل الحلو من مطبخى حلوى اليقطين بالص

[ahlam1399]

[من مطبخي] القرع العسلى طريقة القرع العسلى بالباشميل الحلو من مطبخى حلوى اليقطين بالص

[من مطبخي] القرع العسلى طريقة القرع العسلى بالباشميل الحلو من مطبخى حلوى اليقطين بالصور

للقرع العسلى او اليقطين فوائد كثيرة جدا وطعم لذيذ للغاية ولة كمان معايا حكايتين اهمها عدلات ..

ربما احكى لكم يوما ما حكاياتى مع القرع العسلى ..

المهم دلوقتى طريقة صينية القرع العسلى بالبشاميل الحلو..

بنجيب ثمرة قرع عسلى سعرة الان مناسب حوالى 4 جنيهات للكيلو ...

لو عندك عضلات قوية يبقى ما فيش مشاكل لكن لو عضلاتك على قدك زى حالى يبقى اعملى مثلى وخلى جوزك هو اللى يقشرها ويقطعهالك .. ودى صور الخطوات اللى قام بيها مشكوراً زوجى العزيز ..

كملت انا .. بحط كل كمية القرع العسلى بعد تقطيعها لمكعبات صغيرة فى أناء كبير وفوقها حوالى 5 اكواب سكر وارفعها على نار متوسطة ..

وما تخافيش لو الاناء امتلأ للاخر لانة بعد كدة بيهبط وموش بضيف اى ماء لانها هى بتنزل ميتها ..

بصفيها فى **فاة مناسبة واحتفظ بالماء اللى بصفية منها علشان ها نستخدمة فى البشاميل ..

نعمل بشاميل خفيف شوية ..نشوح 3ملاعق كبيرة دقيق فى السمن ونضيف علية 3 اكواب لبن و2 كوب من ماء القرع العسلى (يعنى موش ها نحتاج نضيف سكر )...

نهرس القرع العسلى ونحضر مكسرات وجوز هند للحشو وقشطة للوجهه....

فى صينية مناسبة نضيف نصف كمية القرع العسلى ونضع فوقها المكسرات وجوز الهند...

ثم نضيف باقى كمية القرع العسلى ونغطيها بالبشاميل ونوزع القشطة عليها وممكن استبدال القشطة بال**دة او السمن...

ثم ندخلها الفرن ... واهى لما طلعتها منة ..

وبالف هنا وشفا .. جربوها وها تدعولى ..

ال**در: منتدى عدلات النسائي

المصدر: Forums

---

Flk l'fodD hgrvu hgusgn 'vdrm fhgfhaldg hgpg, lk l'fon pg,n hgdr'dk