#1
|
|||
|
|||
ليوم درت حمام طبيعي مية في المية ...........اجيو نعاود ليكم تجاربي
ليوم درت حمام طبيعي مية في المية ...........اجيو نعاود ليكم تجاربي
السلام عليكم و رحمة الله و بركاته انيقاتي العزيزات شامبوا بيتي دكتورة ام رشىجيت نعاود ليكم على الحمام ديال اليوم كي داز حمام و اش من حمام , ما سخيتش نخرج , و كله طبيعي مليون في المية ما داخلة فيه حتى حاجة كيماوية المهم ندخلو في الموضوع قبل ما نمشي للحمام كانت عندي ماحد الخلطة ديال الشعر تنشريها عند واحدالمرة طبيعية شققت بيها شعري و لويت عليه سولوفان و مشيت للحمام , دخلت شديت بلاصتي بطبيعةالحال و عاد خلطت الحنا و درتها لشعري جمعته و شللت و درت الصابون البلدي و شللت و بديت نحك , حتى لهنا كيبان هادشي عادي اي وحدة كتعمل نفس الشي, المهم كملت الحكان بديت تنغسل شعري من الحنا اوا سولوني باش تنغسل شعري؟؟؟؟؟ بالصابون البلدي تيخرجو غزال غير هو تيبغي التشلال مزيان و هذي كنت قريتها في موضوع دكتورة ام رشىى من يوم قريته قلت نجرب و عجبني و داومت عليه, نرجعو للحمام, غسلتو بالصابون البلدي و درت الغاسول بالاعشاب ديال الاخت دعاء آلقلوب الله يجازيها كل خير روايح الغاسول ديالي عطات في الحمام هههههه ريحته كتحمق و خلالي الشعر حرير , و دهنتو على جسمي كامل و بقيت بيه شي ربع ساعة او 20 دقيقة بيني و بينكم ماكرهتش نبقى بيه وخى نبقى نشم غير ريحته, اوا من بعد شللت مزيان و غسلت شعري من الغاسول مزيان حتى تنقى, لقيت لحمي بدا تيعاود ينوض اللوسخ عودت تاني الحكان, خرج الوسخ بحال الا ما حكيتش من قبل , سليت الشوط التاني ديال الحكان درت الوصفة ديال الكوماج ديال الاخت danya2000 الله يجازيها كل خير دهنت جسمي و وجهي و بقيت تندلك فيه شي ربع ساعة و شللته بلا مانقول لكم ريحته غزالة و تيخلي البشرة رطبة و ناعمة و ريحتها غزالة , و اخر حاجة توضيت و تشللت مزيان و عملت نص سطل ديال الما فيه عصير ديال الحامض و شللت بيه شعري باش تيعطي اللمعان للشعر ما يجيش باهت و تشللت بيه كامل و لبست البينوار و خرجت و بالليل عملت الكريم لي حضرت من قبل ديال الاخت monatibou الله يجازيها كل خير, اوا كي جاكم حمامي الا لاحظتو ما درتش الصابون في الاخير راه الكوماج كافي ووافي ما تحتاجيش للصابون, الغرض من موضوعي باش نحط ليكم تجاربي من وصفات الانيقات و النتيجة الرائعة لي حصلت عليها , نتيح لنفسي الفرصة نشكرهم جزيل الشكر على هاد الوصفات الرائعة انا تنحماق على الاشياء الطبيعية دبا الحمد لله استغنيت عن الصابون و الشامبو و البلسم و السوشوار تحياتي لكل الانيقات وما تبخلوش علي بردودكم هذه روابط الوصفات لي استعملت http://www.anaqamaghribia.com/vb/showthread.php?t=80063&highlight=%D1%C7%ED%C8+%DD% ED+%C7%E1%DE%D1%C7%DA%ED+%C8%CD%C7%E1+%CF%ED%C7%E1 +%C7%E1%D3%E6%DE http://www.anaqamaghribia.com/vb/sho...d.php?t=275112 gommage 2in1 نعومة ورائحة رائعة طبيعة 100/100 عن تجربة danya2000 http://www.anaqamaghribia.com/vb/showthread.php?t=306478 ماسك رائع لتبييض الوجه الجسم المنطقة ا***اسة من تجربتي الشخصية monatibou http://www.anaqamaghribia.com/vb/sho...d.php?t=287331 المصدر: Forums gd,l ]vj plhl 'fdud ldm td hgldm >>>>>>>>>>>h[d, kuh,] gd;l j[hvfd |
|
|