Forums

العودة   Forums > مواضيع منقولة من مواقع اخرى

إضافة رد
 
أدوات الموضوع انواع عرض الموضوع
  #1  
قديم 01-07-2015, 02:25 AM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,669
افتراضي يابنت ياللي ماستر راسك الشال :::: وبزعمك أنك من كبار العوايل

يابنت ياللي ماستر راسك الشال :::: وبزعمك أنك من كبار العوايل
السلام عليكم ورحمة الله وبركاته
إخواني الكرام وأخواتي الكريمات
أطرح بين أياديكم الكريمة
قصَيَدَهَ آعجبَتنيَ
لَلشآعرَ [ عبَدَآلكرَيَمَ آلجَبَآريَ ]
وأتمنى أن تنال إعجابكم وأستحسانكم
أترككم مع القصيدة :ـ
**************
يابنت ياللي ما سِتر راسك الشال
.......... وبزعمك أنك من كبــار العـــوايل
أنا بقــول الحق والحــق ينقــال
.......... اللي تســتَّرهي بـنـت الحـمـــايل
ماهو في كشخه وخاتم وسلسال
.......... السترلعـيــال الحمـــايل دلايل
يابنت لوقلتي لي المهـر بريال
.......... والله فـلا أعنز عليـك السـلايل
والله لأخطب اللي على راسها جلال
.......... لوكـان مطلبها ثمــانين حايل
أنا ليـا مني خـطبت أبغى عيال
.......... أبي العيال اللي تشيل الثقايل
وليا خطبت أختـار لعيالي الخال
.......... والدين عندي هو سيد الفضايل
قالت قسم بالله ماشفت رجَّال
.......... مثلك بغى حِجر السنين الأوايل
قلت الصحيح يصح لو مرت أجيال
.......... ركب الكدايش غير ركب الأصايل
ماهوب ذَنْبي ماعرفتي لك رجال
.......... ذنْب الزمن خــلا النشاما قلايل
ولا نيب لا رَجْعي ولاجيت خيَّال
.......... ولاشايلٍ سيفي وصايلٍ وجايل
إنسان متعلم ومن ناس عقَّال
.......... وفتحت عن نهج الحضارات فايل
أنا حضري مانيب نازل ورحَّال
.......... لو إن ربعي بين ضلعان حايل
وأنا في بيت ومكيـف جـنرال
.......... وأسوق سياره وعنـدي موبايل
ترى البداوه فعل ماهي بالأشكال
.......... والسَّلْم مانرضى عليه البدايل
وتبعت سَلْم العَوْد وأصبحت وبَّال
.......... ونقيت لي من الذود دق وجلايل
الطيب لأهل الطيب يبقى ولا زال
.......... وأعرف سلوم الطيب والشك زايل
وِلاشفت أنا عقال السناعيس ميَّال
.......... غصبٍ عليه عقال راسي يتمايل
السالفه ماهي بتمييلة عقال
.......... السالفه دمٍ بهالعِرق سايل
يابنت دام الدم بعروقنا سايل
..........كلٍ على عقله من الفكر شايل
لكن لوقلتي لي المهر بريال
.......... والله فلا أعنز عليك السلايل
**************
صح لسان الشاعر عبدالكريم الجباري
تقبلوا تحيتي وتقديري وأحترامي
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:58 AM

converter url html by fahad

 



Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
Adsense Management by Losha
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47