#1
|
|||
|
|||
من الأخر هو ده الكلام
من الأخر هو ده الكلام
<div> محمد طلبه . سلفيو كوستا 1- إعتصام رابعة قرار سياسي غشيم و فضه مجزرة و معظم اللي ماتوا مش أرهابيين و هروب سنسحقهم و بحور الدماء لقطر مسخرة ٢- اللي بيحصل في سينا أرهاب و تفجيرات الأقسام أرهاب برده ٣- الإخوان طلعوا خدعة كبيرة و أسطورة ال ٨٠ سنة سياسية دي يبلوها و يشربوا ميتها أخرهم يديروا نادي رياضات بحرية ٤- الجيش مؤسسة غير ديموقراطية و مالوش فيها كل الموضوع أنه معاه فلوس كتير و ... احم.. دبابة... و الناس عايزة فلوس و خايفين من الدبابة ٥- و ٣٠ يونيو غضبة شعبية مش إنقلاب نتيجة سوء الأحوال المعيشية من بنزين و كهربا و أمن...مؤامرة بقى و لا مش مؤامرة مش قضية الشعب المطحون.. اللي صدر نفسه و فتح الجاكته يشيل ... نزل ملايين آو ده فوتو شوب من خالد يوسف برده مش مهم.. نزل العدد الكافي لتفاعل مؤسسات الدولة فدعمت التحرك ده. اه حاجة كمان... الأحوال المعيشية ما اتحسنتش فعلا و فيه ناس فعلا بتنزل ... بس المؤسسات ما تفاعلتش معاها و أتوقع ثورة جياع في أقل من سنة ٦- دستور الإخوان كان دستور عادي مالوش علاقة بالجنة و النار و الدستور ده لطيف برده.. أختيار الدستور بقى كأولوية المطالب ال**يرية للدولة ال**رية هو ضحك على الدقون (مع أحترامي للدقون) و رفاهية لا يدركها إلا مجموعة من المترفين ...فالناس مش حتاكل دستور و لا حتتعالج دستور و المفاجأة بقى و لا حيُحترم حقوقها و كرامتها بالدستور...تحقيق المطالب الأساسية للشعب من مأكل و مشرب و مسكن و علاج و كرامة و الكف عن السخرية من الغلابة اللي عانت مننا و بسببنا و في الاخر لبسناهم في الحيطة هو اللي المفروض نبدأ بيه.. و ده مش حيتحقق إلا بإعادة هيكلة المؤسسات و الكفاح من أجل سن قوانين للشفافية و حرية تداول المعلومة مما يهيأ المناخ للمساءلة و المحاسبة. مشاركتك في الإستفتاء أمر عادي و عدم مشاركتك مش خيانة ٧- دفع الناس لقول نعم أمر مهين و مشين... و ح** النور و الكنيسة و على جمعة زودوها اوي!!....ده إستغلال لضعف المعرفة عند الغالبية العظمى من الشعب ال**ري الذي عانى من الأمية و الديموقراطية لعقود .. ديموقراطية لا يعرف منها إلا تلك الوجوه السوداء التي تأتي كل ٤ سنين مرة بصوان كبير و مساعدات كتير و وعود أكتر.. ثم يتبخرون كما يتبخر الماء الراكد بعد المطر فلا يبقى منه إلا العفن الأخضر... و الآولي أنهم يشرحوا للناس و بالأخص البسطاء مواد الدستور... بلغتهم و طريقتهم... و اكيد ده مش عن طريق فيديو كليبات أون تي في و ال بي بي سي .. بعدين يتركوا لهم حرية الأختيار. ٨- مشاركة الإخوان في إنتخابات نقابة الأطباء أمر مثير للشفقة و تبريراتهم أمر مثير للغثيان ٩- دولة مبارك مش حترجع لانها دولة مستهلكة و ممكن يطلع لنا مجموعة جديدة من الملزقين و المتسلقين.. و أعظم مكاسب الثورة أو سميها المكسب الوحيد: أننا تعرفنا على أسوء ما فينا... lk hgHov i, ]i hg;ghl المصدر: Forums lk hgHov i, ]i hg;ghl |
|
|