شـــــوية نصـــايح قبــل يـــوم فــرحك

ahlam1399 · #1 03-11-2014, 03:00 AM

شــوية نصايح قبـــل فــرحك:

1- خلى الحنه قبل الفرح بوقت علشان تبقى براحتك وماترهقيش يوم الفرح وتبقى فايقه ومركزه.

2- يوم الحنه ماتحاوليش تلبسى حاجه مكشوفه اوى علشان العين بتكون مركزه اوى ع العروسه فى اليوم ده وربنا يكفينا شر العين وا***د

3- الفتره دى خلى القرآن شغال فى البيت علطول واسمعى الرقيه الشرعيه وخلى عريسك يسمعها بردو

4-ماتفرشيش شقتك قبل الفرح بوقت طويل علشان ماتتربش وتتبهدل لان كل يوم هتدخلى الشقه انتى او جوزك لحد يوم الفرح فخلى فرش السجاد والمفارش واللمسات الاخيره دى متاخر على قد ماتقدرى

5- وانتى بتفرشى ماتاخديش معاكى حد كتير علشان الزحمه بتجيب خساير كتير

6- ماتتكلميش مع اى حد فى اى حاجه خلال الفتره دى لانك هتكونى متوتره وقلقانه لوحدك وممكن حد يديكى معلومه غلط توترك وتقلقك زياده

7- الفتره دى لازم هيحصل فيها مشاكل وقلق كتير كبرى دماغك من اى حاجه بتحصل وماتضايقيش نفسك ولا تزعلى نفسك باى حاجه لان كل ده هيظهر على جسمك وبشرتك وهيبقى شكلنا مش حلو قدام العريس والمعازيم فى الفرح

8- لو عايزه تعرفى اى حاجه عن الموضوع اياه عليكى وعلى كتاب تحفة العروس يااما تستنى لحد مالعريس يتكلم معاكى انتى ومزاجك لكن بلاش تسالى حد كتير علشان المعلومات الغلط والتهويل اللى ممكن يضيع الدنيا

9- يوم الفرح ماتخليش الكوافيره تعملك اى ماسكات خالص علشان بشرتك ماتتعبش لانك هترهقيها اصلا بالميكب الفروض الماسكات تكونى بتعمليها من قبلها باسبوع ويوم الفرح ماتعمليش اى حاجه.
ياريت تتمعنى اوى فى اختيار فستاك وطرحتك والكوافيره لان كل ده هيفضل ذكرى فى صور هتفضل قدامك طول العمر ويااما تفضلى طول الوقت الناس تقولك كنتى زى القمر يااما هيقولولك بس لو كنتى اختارتى كوافير تانى بس لو كان الفستان شكل تانى وساعتها هتتعكننى.

ومبـــرووووك مقــدما لكـــل عــروسه مقــدمه ع الجـواز

ال**در: منتدى عدلات النسائي

المصدر: Forums

aJJJJJ,dm kwJJJhdp rfJJg dJJJ,l tJJvp;