Forums

العودة   Forums > مواضيع منقولة من مواقع اخرى

إضافة رد
 
أدوات الموضوع انواع عرض الموضوع
  #1  
قديم 10-15-2012, 03:44 PM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,852
افتراضي اهرب مع نفسك.. الآن!

اهرب مع نفسك.. الآن!
.

نشتكي كثير من ضعف الذاكرة..
من قلة التركيز..
تشتكي من الصداع.. و من تسارع الأحداث حولنا..
نشتكي من الرتابة و الملل و بهتان الحياة..
صدقوني.. أنا لقيت الحل لكل هالمشاكل.. و أكثر!



السبب في كل هالمشاكل اللي ذكرتها فوق..
هو في الغالب انجرافنا مع تيار الحياة السريع..
لدرجة اننا نسينا أنفسنا..
ايه نعم.. نسينا أنفسنا!
و لنفسنا علينا حق..
لها حق نجلس معها.. نتكلم معها.. و نشوف وش تبي!



لي فترة ساكن في برج في وسط لندن..
و طبعا كثير منكم يمكن يعرف اني كنت أمر بظروف نفسيه سيئة جدا لي فترة.. لدرجة اني صرت ما أحب أطلع برى البيت ولا عاد ابي أكلم أحد..
لكن من عشرة أيام بس.. اكتشفت – و بالصدفة – شي مثير جدا..!
شي من جد.. غير حياتي!



شرفة الشقة اللي انا ساكن فيها جميلة و مرتبة و تطل على الـ هايد بارك..
و بحكم اني ما أقدر أدخن داخل البيت.. ولا لي مزاج أبد أطلع برى.. جتني فكرة أطلع و اجلس في الشرفة و ادخن سيجاري لحالي.. و من هنا بدأ التغيير!
حسيت بهدوء عجيب .. و سكينه و ارتياح ما حسيتهم من سنين!
و انا هنا ابسأل كل واحد فيكم..
من كانت آخر مره جلست فيها لوحدك لمدة ساعه كاملة و في مكان مفتوح؟!
و لما أقول لوحدك.. تراي أقصد لوحدك!
يعني ما معك أحد.. سواءا بشخصه.. أو بصوته.. أو بالـ BBM..!
أنا متأكد ان أغلبكم يبي يقول من 1415هـ!



المهم اني يومها قررت أجلس كل يوم ساعة كاملة لحالي في الشرفة..
ما معي أي جهاز اتصال.. ولا كتاب.. ولا حتى ورقة و قلم..
و الآن.. بعد عشرة أيام.. أقدر أقول لكم و بكل أمانة.. اشياء كثير داخلي تغيرت!
صرت أهدأ.. أكثر تركيز.. أقوى ذاكرة.. و أسعد!



اسمعوا اللي ابقوله لكم.. و جربوه لو مرتين في الأسبوع..
و اذا ما حسيتوا بتغير حياتكم للأفضل.. ابرجع لكم قروشكم! (اي قروش يابو؟ )
لا من جد.. جربوا و بتشوفون!
ابشرح لكم كل شي و بالصور..!

.

.

- توقيت الجلسة
يستحسن يكون وقت هادي و ما فيه ازعاج.. الصباح مثلا قبل العمل أو الجامعة..
أنا اخترت وقت الفجر.. قبيل طلوع الشمس.. (متعووب عليها قبيل)

- مكان الجلسة
مهم جدا أن يكون المكان مفتوح.. حوش منزل.. شرفة.. حديقة..
و لو ما حصل ولا وحده من ذولي.. لو على الأقل تجلس جنب شباك و تفتحه..
أنا اخترت اجلس بالشرفة..


شـرفـتـي

- مدة الجلسة
على الأقل ساعه!

- رفقاء الجلسة
يعني ما راح أقول لكم من هم الرفقاء المسموح تواجدهم أثناء الجلسة بحكم انهم كثر.. لكن أبذكر لكم الرفقاء اللي اياني و اياكم أشوفهم يوطوطون معكم بالجلسة..

*رفقاء ممنوع تواجدهم:
1- جميع الكائنات الحيه.. بما في ذلك الحيوانات الأليفة..
2- كل وسائل الاتصال.. ابتداءا من الجوال و انتهاءا بالحمام الزاجل.. و لو ان الحمام الزاجل ينطبق عليه المنع اللي في فقرة 1 بعد.. يعني شين و قوي عين..!
و قصم لو أشوف حمام زاجل مع واحد منكم لأسوي عليه شربة حمام بالفريك.. ولو اني من جد ما ادري وشو الفريك.. بس ابسويه.. (أعصابك طيب!)
3- الكتاب.. لا يغركم و يجلس يقول لكم خير جليس و هالخرابيط.. قولوا له تلايط كلها ساعه و بنرجع لك.. وطبعا الجرايد و المجلات ينطبق عليها نفس الشي..

أنا اخترت رفقاء اعزاء جدا.. و هم:

Ipod
Por Larranaga cigar – Petit Corona
Oasis Juice – Summer Fruits


صورة الرفـقـاء

- أثناء الجلسة
حاول تصفي ذهنك.. و اطرد كل الأفكار السلبية..
تأمل المكان حولك بهدوء و سلام..
و اذا سمعت أغاني.. اسمع أغاني فيها تفاؤل و حياة..
ترى بتخرب كل شي لو تسمع أغاني حزينه.. بلا **الة عاد..
و يستحسن موسيقى بس بدون أغاني لأني أعرفكم بتجيبون العيد..
و اذا مره ملزمين تسمعون أغاني.. اسمعوا أغاني من هالنوع:

اثناء الجلسة..
فكر بأحلامك اللي نسيتها.. بطموحاتك اللي تلاشت..
تذكر أصدقاءك القدامى.. أيام الطفولة..
فكر وش بتسوي بكره في العمل أو في الجامعه..
فكر كيف توصل للي تبيه..
خطط لحياتك.. بهدوء..
والله يا انه تبي تطلع معكم هواجيس مدري وش تبي..
و الله يا انكم يبي لكم تغسلون روسكم عقب الجلسة من الغبار اللي يبي يطلع من المخيخ الباطن.. تبي تتذكرون أحداث **دية..
أنا آخر ما توصلت له.. تذكرت اني مره في رابع باء.. تهاوشت مع واحد و تواعدنا نتضارب في الطلعه.. بس ما تضاربنا.. احتريته في الطلعه و ما جا مدري ليش.. و انا شكلي كنت ابيها من الله لأنه كان دبي و قوي..
و دي والله أشوفه و اسأله ليه ما جا يومها.. لهالدرجة انا كنت مرعب؟!

اترككم مع بعض الصور..


المنظر من شرفتي.. قبل طلوع الشمس بدقائق..
منظر الهايد بارك في الخلف.. آسر!


المنظر من شرفتي.. من الجهة الأخرى..


ألوح بيدي الكريمة للجماهير العريضة.. و التوسوعية من التوسع!


Two of the comrades


المهم.. جربوا.. و انا متأكد بتتغير فيكم كثير من الاشياء..

——————-

على فكرة..
ناظروا فوق على اليمين..
فوق شوي..
ايوووه..
وش تشوفون؟
بالضبط.. صار عندي تويتر..
طيب؟!
يالله ما يحتاج أوصيكم..
الحقونن!

————-

ختاما..
شوية صور.. لـ جود و عمها فيصل..








I*missed you guys..
شوكرن..
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:49 PM

converter url html by fahad

 



Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
Adsense Management by Losha
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47