#1
|
|||
|
|||
غيرنا يركب بنتلي ومرسيدسات...وحنا نركب ونيتات !
غيرنا يركب بنتلي ومرسيدسات...وحنا نركب ونيتات !
في مباراة العين حسيت إنهم يركبون بنتلي ومرسيدس....وحنا نركب ونيتات ....أجانب العين يعتبر أقلهم مستوى هو رادوي، لاحظ رادوي الذي يعتبر من أفضل أجانب الهلال في تاريخه يعتبر أقل اجانب العين ....الاسترالي بروسكي (29 سنه) كان عامل شغل مميز ..تسبب في ضربة جزاء ..وفيه شك له بلنتي ثاني غير محسوب..والله يخلي رجل الخط الي حسب انواع التسللات الغير صحيحه، احدها كان مفترض يطرد فيها السديري ... الفرنسي الاسمر ايكوكو (25 سنه) عامل شغل مميز في الجهه اليسرى مهاري وصاحب بنيه جسديه قويه...وله تسديدات صاروخيه ..... الغاني جيان (27 سنه)...هداف بالفطره ....يكفي ما عمله في 10 دقائق بعد نزوله في مباراة الهلال ..تلاعب بدفاع الهلال ...وسدد في المرمى هدف ولا احلى !..لاحظ 3 من اجانب العين في الوسط المهاجم ومهاجم صريح !!.....نوعية اجانب مثل كذا تكفل وصول العين الى نهائي بطولة اسيا وهم من اقوى المرشحين. بينما اجانب الهلال لا يقارنون بأي حال من الاحوال بأجانب العين ....ويسلي كان مميز في بداية الموسم ويسجل في كل مباراة وفجأه إنقطع بثه وإختفى اثره !!!؟؟؟؟ الكوري بيو ...اول مره اشوف نادي يتعاقد مع اجنبي حتى يكون إحتياط ويبقيه لموسم إضافي !!!؟؟ الكولومبي جوستافو .....لا تعليق !! البرازيلي اوزيا ..مدافع حماسي فقط ! هلال جيرتس كان مميز بوجود الاجانب فقط ....بالوضع الراهن،مو لو يجي جيرتس..لكن لو يجي مورينيو او جوارديولا ..راح يفشلون ! لأن ما فيه أجانب يشيلون الفريق ! و ما اقول الا حسبي الله ونعم والوكيل في من فرط في عمر عبدالرحمن بعد ما كان في مدرسة الهلال ....والله ثم والله وثم والله لو إنه في نادي ثاني كالشباب او النصر لأعطوه كل ما يطلب ...يعني كان طلبه إنه يأخذ ال***يه مع إخوانه وعائلته ...ما دريت إن اخوانه يلعبون ولاعبين ممتازين .....يعني لاعب مثل عمر عبدالرحمن بيكون ضالة الهلال في الوسط ...ولكن ما نفع البكاء على اللبن المسكوب !! الغريب أن عبدالرحمن بن مساعد صار يعطيها صراحة ويقول لا يوجد مال لجلب لاعبين مثل السابق ...واعتقد هذا هو سبب نغمة "لن نعد ببطولة اسيا" ...لأن بطولة اسيا لها مهرها ومهرها لاعبين مميزين ولنا في الاهلي خير مثال في إحضار برونو سيزر واسامه هوساوي ...الشباب تعاقد مع قائد اولسان ومهند عسيري .. بوضع الفريق حالياً، اعتقد صعب جدا على الهلال التأهل من دور المجوعات لأن الهلال هو اقل الفرق تجهيزاً وحضوراً ...من جد موسم للنسيان ...وارجوا من العلي القدير ان لا تكون سبحة الهلال قد إنفرطت !! المصدر: Forums ydvkh dv;f fkjgd ,lvsd]shj>>>,pkh kv;f ,kdjhj ! |
أدوات الموضوع | |
انواع عرض الموضوع | |
|
|