Forums

العودة   Forums > منتدى تغذيات > قِسمْ الخَوَاطِر المَنقُولَة

إضافة رد
 
أدوات الموضوع انواع عرض الموضوع
  #1  
قديم 01-31-2013, 01:31 AM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,669
افتراضي وين وعدك بالوفا ولا نسيت

وين وعدك بالوفا ولا نسيت

بسم الله الرحمن الرحيم
..



.



وين حسّك؟









وين حسّك؟
ما ابي ظلك .. وين شمسك؟
ليه ما تسأل عن احساس المعذّب
هو يهمّك؟
ما يهمّك إنت تكذب!
.
بس انا
من يهزّ الشوق قلبي و احتريك
و لو تطوّل في الغياب
ينشغل بالي عليك
.
لا تظن إن الغياب
مو عذاب
أو يحوّل كل أشواقي سراب
.
مو صحيح
حتى لو هالغيبه تترك خافقي منـّك جريح
من عيوني ما تطيح
.
يدركون
الخفوق اللي بـ صدري و العيون
إن ما غيرك يمون
.
لا يهمّك
بس تعال و مالي و مال العتب
بـ احبس العبرة و أضمّك
.
بس تعال و بوس عيني
و قـول ياللي تحتـرينـي
وين شوقك؟
هو صحيح اللي تقول الناس عايش في عروقك؟
.
و إنت تلقى هالجوارح تحكي عن حبك حكاية
ولو تسطــّر للغلا ديوان ما ظني كفاية
.
كنت غير
في دلالك .. في جمالك
في وصالك كنت غير
.
و صرت غير
إيـــــه غير
في القطاعه
و بـ الهجر عندك قناعه
.
يعني ما همّك لقاي ؟
و أنـا أمنـيتي لقـاك
ليه تتـناسى عطـاي
و إتـّمادى في جفاك
يا قساك
وين وعدك بالوفا ولا نسيت؟
يوم نرسم بيدنا عالطين بيت
و إنت تحلم و أنا أحلم
كيف باكر .. بس تدري؟
صدق هالدنيا تعلــّم
.
روح .. روح
جرّب الدنيا بدوني
بس تأكــّد يا عيوني
إني أدعي بـ كل ليل
تلقى للفرحه سبيل
و تبقى مثل النخله شامخ ما تميل
.
و مهما راح من الزمان
و جيت محتاج الحنان
راح تلقى بـ وسط قلبي لك مكان
.
ما تغيّر
لا تــّحيّر
من رحلت و شفت قلبي بك
مسيّر مو مخيّر
.
كم قلبٍ حاول يهزّ اهتمامه ما قدر
إنت وحدك من قدرت
و أنا وحدي من صبرت
و إنجبرت!!
و جيتك اسأل .. وين حسك

كلمات
محمد التركي ( عاطفي )


؟؟




رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:40 PM

converter url html by fahad

 



Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
Adsense Management by Losha
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47