|
|
#1
03-07-2013, 05:11 PM
|
|||
|
|||
ندى الورد ازاى تختارى شريك حياتك
ندى الورد ازاى تختارى شريك حياتك
<a href="http://www.egyptladies.net/vb/t222786.html" > حبيبات قلبي رواد ركن المخطوبات محلاها دبلة الخطوبة <a href="http://www.egyptladies.net/vb/t222786.html" > ومحلاها الفرحة ومحلاها الأحلام الجميلة بالبيت السعيد إن شاء الله <a href="http://www.egyptladies.net/vb/t222786.html" > محلاه الحلم بالعيشة مع قلب بيحبك وحريص على سعادتك محلاهم القلبين لما يتجمعوا في بيت يملاه الود وتقوى الله ويثمر عصافير تملأ الدنيا هناء وبهجة <a href="http://www.egyptladies.net/vb/t222786.html" > محلاها الخطوبة بكل مراحلها بحلوها ومرها أحيانا كالملح في الطعام له مذاق آخر ولكنه لا يفسده <a href="http://www.egyptladies.net/vb/t222786.html" > حبيبات قلبي حبيت أتكلم معاكم شوية بخصوص اختيار شريك الحياة الإنسان اللي بتحلمي تكملي معاه بقية عمرك بتحلمي بكل اللحظات الجميلة وانتي جنبه <a href="http://www.egyptladies.net/vb/t222786.html" > بس ضروري نعرف إن فترة الخطوبة برغم أحاسيسنا الجميلة فيها ماهي إلا فترة اختبار واختيار للطرفين فيها بتتعرف البنت على الانسان اللي متقدم لها وتشوف هل هو دة الشخص المناسب ليها هل فيه من الصفات والمميزات اللي تخليها تكمل معاه رحلة حياتها سعيدة وهنية <a href="http://www.egyptladies.net/vb/t222786.html" > البنت في الفترة دي المفروض متغفلش انها تختبر دينه في المقام الأول وهل محافظ على صلاته ولا مضيعها لإن دة أساس العلاقة اللي بينهم لو انسان عند دين وبيخاف الله ومستقيم في حياته هيتق الله فيها ويخاف عليها ويحافظ عليها يعني مجملاً.... لو حبها هيكرمها ولو كرهها مش هيظلمها <a href="http://www.egyptladies.net/vb/t222786.html" > تختبر تصرفاته وردود أفعاله ومواقفه في أوقات معينة وأزمات بتمر بيها أو أي ظرف استدعى تواجده.. هل فعلاً أثبت وجوده بالفعل ووقف معاها بشهامة ورجولة وكان أد المسؤولية ولا سابها واتخلى عنها ورفع راية اللامبالاة.. واتحجج بإنه خاطب ومالوش الحق انه يقول رأي أو يكون له رد فعل مناسب ودي حيلة العاجز والضعيف دائماً <a href="http://www.egyptladies.net/vb/t222786.html" > صدقيني أخيتي اللي مش هتلاقيه جنبك وقت ما تحتاجيه وانتي مخطوبة مش هتلاقيه برضو بعد الزواج لان البرود واللامبالاة طبع سييء وللأسف في بنات بترضى بالخُلق دة لانها بتحب تكون في وضع القيادة وشايفة ان دة شيء بيرضيها عشان تكون دائماً في المقدمة لكن بعد الزواج والمسؤلية الوضع بيختلف وممكن يكون دة سبب كتير من المشكلات <a href="http://www.egyptladies.net/vb/t222786.html" > تختبر الخاطب من ناحية بخله و حرصه الزائد أو إسرافه هل هو انسان بيفهم في الأصول والعادات والتقاليد والمجاملات وقادر انه يخليها فخورة به وبكرمه عليها حسب مقدرته ويرفع راسها قدام أهلها بمجاملاته <a href="http://www.egyptladies.net/vb/t222786.html" > وهنا مش قصدي البخل في النواحي المادية بس قصدي حتى النواحي المعنوية يعني يهتم بالسؤال عن أهلها يكون معهم في المناسبات الحلوة وغيرها يحس انه بقى واحد من العيلة دي ويحسسهم إنه مهتم بيهم مش يلا بييجي يشوف خطيبته ويمشي <a href="http://www.egyptladies.net/vb/t222786.html" > هل هو مسرف؟؟ ويكون من الناس اللي مش بتعمل حساب لبكرة وكل اللي داخل جيبه خارج لأ ... خير الأمور الوسط والانسان المسرف تقدري بشوية حكمة تضبطيه وترتبي له **اريفه لكن البخيل صعب اوي العيشة معاه <a href="http://www.egyptladies.net/vb/t222786.html" > تاخد بالها كمان من ناحية ذوقه وتعامله معاها ومع أهله هو وخصوصاً أمه وفي شغله واسلوب كلامه واختياره لألفاظه لإن الرجل اللي بيتعامل مع أهله معاملة طيبة ومحترمة وبيقدر أمه بالذات غالبا بيكون تعامله مع الغير بنفس الاْسلوب مش بيمثل على ناس وبشكل تاني من ناس تانية <a href="http://www.egyptladies.net/vb/t222786.html" > وطبعاً تاخد بالها من عيوبه.... نعم عيوبه ونشوف نفسها ومقدرتها على تحمل العيوب دي هل هي فعلاً قادرة انها تتكيف مع العيب دة ولا لأ؟ شايفة نفسك تقدري تحتويه وعندك المقدرة انك تصبري وتتحملي عشان تغيري ولو شوية شوية ولا صعب عليكي وهتكملي الجوازة. <a href="http://www.egyptladies.net/vb/t222786.html" > ولا هتكملي عشان ميتقالش اتفسخت خطوبتها وبتقولي بكرة يتغير ومتخيلة انه بين يوم وليلة هيكون انسان تاني بأخلاق تانية صدقيني اللي فيه طبع مش بيغيره إلا من رحم ربي وهنا عايزة أقولك يا حبيبة قلبي اللي مش هتقدري تتحمليه وتتأقلمي معاه وانتي مخطوبة مش هتقدري تتحمليه وانتي متزوجة لانها حياة يا بنتي.. مش يومين تلاتة وخلاص هيعدوا لانك أصلاً بعد الزواج والعيشة في بيت واحد هتلاقي كتير من الطباع مكانتش باينة في الخطوبة وهتتفاجيئ بتصرفات وردود أفعال مكانتش على بالك ولا في حساباتك ففكري كويس واختاري صح <a href="http://www.egyptladies.net/vb/t222786.html" > هنا بقا ننتبه لنقطة مهمة جداً وهي تحكماته اللي ملهاش أي لازمة.. ونحط تحت تحكماته عشرين خط لإن دي من أكتر المشكلات اللي بتقع بين المخطوبين فتلاقي الشاب من دول أول ما يخطب يبدأ يمارس طقوس ما أنزل الله بها من سطان على خطيبته وربما أهلها كمان.. لانها بترضى بالتحكمات دي وبتفرضها على أهلها عشان ترضيه <a href="http://www.egyptladies.net/vb/t222786.html" > ويبدأ بقااااا متطلعيش , متنزليش , متتعزميش هنا , ما تتكلميش , ما تلبسيش دة والبسي دة, وهنا في نقطة..... لو كان اللبس بتاع الخطيبة فعلا ملفت ولا غير لائق يعني ضيق ولا بيبين مفاتنها هنا أنا مع الخاطب انه يعبر عن ضيقه من لبسها ويطلب منها تغير طريقة لبسها لانها من الغيرة المحمودة وأنا شخصياً أحترم الرجل الغيور على خطيبته وزوجته لانه دة من احترامه لنفسه انه لا يقبل ان زوجته تكون العيون عليها بشكل يهينه ويهز رجولته ولازم هي تحترم رغبته وتكون سعيدة بكدة لان دي من دواعي الحفاظ عليها ودة رجل عنده مروءة ونخوة <a href="http://www.egyptladies.net/vb/t222786.html" > ما تخرجيش , ولو خرجتي يبقى من الساعة كذا للساعة كذا حتى لو مع أهلها والله اعرف واحدة كانت تسيب أمها في الشارع وتجري ع البيت لانه لو اتصل في الوقت اللي حدده وملاقاهاش يبقى يومها أبيض بس مش ابيض أوي يعني طيب هي مع أمها هو انت هتخاف عليها أكتر من أهلها ؟؟!!!!!!! هااا وبعدين.... بلكونة لأ , فيسبوك لأ , إيميل لأ , نت لأ , فلانة لأ , ودة لأ, <a href="http://www.egyptladies.net/vb/t222786.html" > استني يا أختي ... هو فيه ايه ليه تقبلي بالإزعاج دة ؟؟!!!! وليه اديتله الفرصة يتحكم فيكي كدة ؟!!!! انتي لسة في بيت والدك وهو وحده اللي يتحكم فيكي وهو اللي مسؤول عنك طالما في بيته تحكمات الخاطب يكون ليها حدود يفهمك طباعك يقولك بيحب إيه وبيكره إيه عشان تاخدي بالك لما تكوني في بيته لكن عمال على بطال عايز كلمته وبس لأ معلش .. وانتي يا أختي تحطي حدود للتحكمات دي يتحرك فيها ولا يتعداها. <a href="http://www.egyptladies.net/vb/t222786.html" > حاجة كمان تنتبهي لها وهي .... مقدار الغيرة عنده والشك فيه رجل بيغار على خطيبته بس غيرته محمودة وفي مكانها الصح يعني لا يقبل خطيبته تهزر وتتبحبح في الكلام مع حد من الرجال سواء زميل في الشغل أو الدراسة أو جار أو قريب من قرايبها ودة شيء جميل في الرجل والنماذج دي تحترم فعلاً المطلوب في الرجل انه ميكونش سهل وتبقى الدنيا عنده سداح مداح وعادي ولا هو هنا <a href="http://www.egyptladies.net/vb/t222786.html" > لكن منهم اللي عنده الغيرة دي مبالغ فيها أوي وواصلة معاه لمرحلة الشك الفظيع ويقلب حياة خطيبته وزوجته لجحيم لا يطاق يا ويلها لو لقى تليفونها مشغول , لو راحت لحد من قرايبها في عزومة ولا فرح, لو بصت من بلكونة , بيشك في كل تصرف تتصرفه ويترجمه على هواه بياخد كلمة السر بتاعة ايميلها والفيس بتاعها مش عشان فيه ثقة بينهم ( رغم عدم اقتناعي بالفكرة أساساً) لكن هو بياخدهم ويدور وراها ويراقب ويتابع وفي بنات بتعمل نفس الحاجات دي وأكتر كمان والحياة من الإنسان دة ولا الإنسانة دي سلسلة من العذاب انتبهي أخيتي تكون فريسة لنموذج من دول أو إنك تتخلقي بخلق زي كدة لإنك هتقلبي حياته نار <a href="http://www.egyptladies.net/vb/t222786.html" > عايزة أقولك يا ليدز انتى وهى الى هيتخبطو وانا من ضمنهم قولو امين .. انتي جوهرة غالية ما يستحقيش إلا للي يكون جدير بيكي حافظي على نفسك .. وإياك والتجاوزات خليكي دايما فوق في بنات كتير وقعت من المنزلق دة من باب الحب ومن باب الخوف على زعل خطيبها ومن باب انها خلاص على ابواب تكون مراته ومن باب ضعفها البشري ومن باب انها فاقدة الحنان ودة بيعوضها وأسباب كتييييير <a href="http://www.egyptladies.net/vb/t222786.html" > عايزه أقول الهدف من موضوعي هو اننا ننتبه لحياتنا اللي جاية ونفكر صح ونختار صح مش معنى كدة إننا خاليين من العيوب ولا هنختار العريس ع الفرازة زي ما بيقولوا لأ أبدا ... فينا مميزات وعيوب وفيهم مميزات وعيوب بس نتجنب الأسباب والأخلاق اللي ممكن تهدد حياتنا الزوجية واللي ملناش صبر عليها وناخد بالأسباب والتوفيق أولاً وآخراً من عند الله k]n hg,v] h.hn jojhvn avd; pdhj; المصدر: Forums k]n hg,v] h.hn jojhvn avd; pdhj; 
|
 |
|
|
العرض العادي
