عرض مشاركة واحدة
  #1  
قديم 03-02-2013, 03:54 PM
ahlam1399 ahlam1399 غير متواجد حالياً
Administrator
 
تاريخ التسجيل: Sep 2012
المشاركات: 3,887,588
افتراضي محدها كتقاقي وهي كتزيد في البيض...

محدها كتقاقي وهي كتزيد في البيض...
السلام عليكم ورحمة الله وبركاته

اخواتي كيما كتشوفو من العنوان الله المستعان وصافي
باش غنبدا
ديجا حطيت موضوع باش الاخوات يساعدوني ولكن الله المستعان النحس تابعنا واخة مخسنيش نقول هذا الكلمة
لان المؤمن مبتلى وخص الانسان يصبر ولربما بسبب ذنوبي لان العبد يحرم من رزق بذنب يصيبه
الموضوع الاول غتلقاوه في مواضيعي
والمشكيل الاول هو ان السي الراجل ديالي كالس من الخدمة والباب الي كندقوه كنلقاوه مسدود سبحان معكسة ليه الخدمة والصراحة مدات لي واحد الاخت معنا يد المساعدة ساعة ميسرش فيها الله والحمد لله على كل حال
هو ديما عندو عكوسات في العمل رغم انه عندو خبرة في بزاف الميادين
والحمد لله على كل حال وصافي
انه وياه الحمد لله مفهمين غير شوية كل واحد كيصبر على السلبيات ديال الطرف الاخر واخة حتى حد مغيلقى كلشي في شريك الحياة
ودابة كيما قلت في العنوان
محدها كتقاقي وهي كتزيد في البيض
دابة ولدي اكتشفت انه عندو مشكيل في الخصيتين
عندو الخصية المعلقة يعنى مكيناش في بلاصتها
والمشكيل الخصيتين اعزكم الله بجوج مكينينش في كيس الصفن
وقالت لي الطبيبة يقدر يدير عملية حتى تعاود تشوفو مرة اخرى
الصراحة مقدرتش النعس
مشكيل ورا مشكيل
وانا الصراحة بغيت نخدم نعاون راسي وولدي نلبي ليه متطلبات ديالو ولكن الغالب الله
دابة انا كالسة في دارنا وراجلي في دارهم معرفناش اش الحل الخدمة تعكسالت والمرض زادها من الفوق

الحمد لله على كل حال انا خفت من الله يكون غاضب علي
الان اي رزق تحرم منو الانسان خصو يفكر علاش
واش ابتلاء وامتحان او ذنوب
انا قصرت في قراني وفي عباداتي وفي مجالس الذكر بسبب المشاكيل
مكنقدرتش نركز في الدروس وفي اي حاجة عقلي كيسهى
الله المستعان وصافي

اخواتي ربما يكون هذا المشكيل تافه بالنسبة ليكم ولكن راه الانسان مكيحس بالنعمة غير الي فاقدها
دعيو معاي غير نرجع للقران راني قصرت في كلشي وليت تالفة وشاردة الذهن
اسالكم الدعاء عن ظهر الغيب

المصدر: Forums


lp]ih ;jrhrd ,id ;j.d] td hgfdq>>>

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47