الافعى
شـياطـيـن الـجـن عـلي تـقـبـل وتـقـفي
كـل واحـد منهـم مـوجـه لي صـاروخه
مـدري انا في العاصمة والا في الزلفي
ضـاع الـفـكـر والـراس صابـتـه الـدوخه
على اللي حـبـيـتهـا ومـديـت لـهـا كـفي
الـيـوم لـبـسـتـنـي ثــيـاب مـن الـجـوخه
لـي مـدة وربـي ما اعـلم عـن المـخـفي
تـوي دريـت الـدعـوه اللحين مـطـبـوخه
يـاغـايـة الـمـنى يـا مـطـلـوبـي وشــفي
حروف اسمك لازالت في قلبي منسوخه
سـيـد العـذاره اليوم نـاوي على حـتـفي
طـلـعـنـي من قـصري وسكني في كوخه
زرعـت لـه بـســتـانِ ربـيعـي وصـيـفي
يقطف من اطراف اغصانه تينه وخوخه
لـغــيـركـم يـالـغـالي مــا الـد انـا طـرفي
وشـعـاد لـو اظـهـر كبريـائـة وشـمـوخه
مـا انت عـلى فعلك معي يـا حلـو معـفي
للسـلـطـه حـاكـم تـعـرف قـدره شـيـوخه
كنت احسب انك ياهواء البال في صفي
اثـرك عـدوِ ضـدي مـع الـداب وفــروخه
مـصـدق مـكـذب انـا نـفـسـي يـا مـلـفي
كـيـف الـنخـل الـعـالي يـطـيح شـمروخه
رقم " 58 " في 06/12/1433هـ
hghtun