حلا
البير غرافة
ياعالم .. ضاع لي قلبٍ دخيل الله .. أحد شافه ..!!
تركته في معاصيـر الـزمـان و خآبـره حافـي
لعب فيه الدهر لين الدهـر مـن طيبته .. عافـه؟!
اصونه زي ما صنت الحشيمه من شغب .. قافـي
ياقلب صـادق مخلص عفيف تنـدر اوصافـه
صرخ من جور هالدنيـااا .. : تعبت اكون انا الوافي
تعب منهو يلومه لـو تعـب .. و انطمـسـت اطيافـه
اذا صـار البخت اعمى .. علـى جـال القـدر غافـي
زمـان ٍ .. صـادق النيـه .. يعيـش بدنيتـه افـه
زمان ٍ عز ّ .. منهو لو تشوفه .. قلت يـا كاااااافـي
و قلبي من عرفته بالـهوى .. مكسـور مجدافـه
و شـافه من غرف .. نبع الخفوق و غيّر اوصافي
غرَف قلبي و انا اردّد .. حلاة البيـر غرّااافـه
شربني حب ّ و عيني غارقه في نبعـه الدااااافـي
ظلمني طبعه الرجعي .. ظلمني و ضيّع انصافـه
كثر ما كنت مخلص له .. كثر ما كان لي جافـي
كثر ما كنت اغـني له : ( تعبت الظلم و اجحافه )
كثر ما كان شاغلني .. كرم هالقلب .. و اسراافي
رميت الروح بدروبه .. مع إن ّ الروح خوّافه
تغلغل حبه بدمّي و طوّع لجلـه اطراافـي
رسمته بين طيّات السحاب و ذاك مشراافـه
رفعته بين لمـعات النجوم و ذاك ميقافـي
و جاني يطلب الفرقا .. كذا بس ّبسبب تافـه ْ ..
عسى مرحوم يا قلـب ٍ وفـاه مثقّـل اكتافـي
يا عالم ضاع لي قلب ٍ كبـيــر و تندر اوصافه
صرخ من جور هالدنيا .. تعبت اكون انا الواافي..
مما راق لي...
pgh hgfdv yvhtm