02-15-2014, 05:03 PM
|
|
Administrator
|
|
تاريخ التسجيل: Sep 2012
المشاركات: 3,947,430
|
|
هما كلمتين وبس
هما كلمتين وبس
إزيكم يا بنات يا رب تبقي كل واحدة بخير
بصراحة أنا مش كنت عارفة أسمي الموضوع ده بإيه و لقيت إنه ( هما كلمتين و بس ) أنسب عنوان
يعني عارفين ساعات كتير بتبقي حاسة إنه في عندك كلام كتير بس مش هتعرفي تقولي منه و لا كلمة يمكن لأنه
بتبقي حاسة إنه مفيش حد هيفهمك و يحس بيكي و الأفضل لكي إنك تخلي الكلام ده جواكي و تقفلي عليه :23:
و للا مثلا لما يبقي في حاجة مضيقاكي و تبقي عارفة إيه الحاجة إللي تعالجك و تفرحك بس بالرغم من ده ماتعرفيش
تعملي لنفسك حاجة .
عارفة لما تحسي إنك جواكي كلام كتير قوووووووووي لدرجة إنك تبقي عايزة تصرخي و لما تيجي
تقولي الكلام ده تلاقي الكلام ده كله طار و بره ما تنطقيش بولا كلمة من إللي جواكي
يمكن الحاجة الوحيدة إللي تقدري تعمليها لنفسك إنك تفضلي تعيطي قبل ما تنامي و تشتكي لربنا :055:
و إنتي بنفسك مانتيش عارفة إنتي بتعيطي علشان الحد إللي مش حاسس بيكي و لا بتعيطي لأنه مش بإيديك تعملي
حاجة لنفسك و الحد إللي بإيديه يسعدك أو بمعني أقرب البعيد إللي ما بيحسس عنده لا مبالاة بكل شيء
و لا بتعيطي علشان الكلام إللي جواكي و خنقك و برده مش عارفة تريحي نفسك و تطلعيه
ده يا بنات إللي أنا حاسة بيه دلوقتي
بس بجد أنا عايزة أسألكم هو أنا كده داخلة في حالة إكتيأب و لا أنا بقيت أتفلسف علي أخر الزمن
و هل اللخبطة إللي أنا حاسة بيها ديه حاجة طبيعية و لا لأ :155::155:
ilh ;gljdk ,fs
|