[rss]

نبض القلوب

نبض القلوب

ما قبل هذا محال ولا بعد هذا محال

دامها قلوب تعيش و فاقده نبض القلوب

ما هي بفكرة قصيده لا ولا شطحة خيال

واقعٍِ شفته بعيني مالبس للوهم ثوب

الملامح قالت اللي كنت اخاف انه يقال

التزمت الصمت لكن سولف الوجه الشحوب

لا انشدوني عنك اقول ان مالك بقلبي مجال

و البلا لاصدقوني قالت عيوني كذوب

كل ما مريت بالي قمت اردِّد هالسؤال

ليه تهدي لي غيابك ؟ هو رضا و لا مغصوب ؟

و ما الاقي لي اجابه و ارجع اسأل كيف حال

قلبي اللي في يدينك هو متى ناوي يتوب ؟!

لا لمحت الشمس تشرق قلت آخرها زوال

اختنق و اصدّ والمح قبرها عند الغروب

و كل ماضاقت جنوب وسقت رجلي للشمال

اكتشفت ان الشمال الوجه الاخر للجنوب

كلها ضاقت في وجهي اترك البعد و تعال

ما ابي منك الغلا بس دلني وين الدروب !!

كم وقفت بوجه هالدنيا مثل صُمّ الجبال

و ال**يبه قدام عينك لا نويت اوقف أذوب

ما على دمي حسافه حَلَّله يابن الحلال

بس لا تنسى انك اللي داخل عروقي تجوب

اعترف لك من فقدتك ما ني بقدّ الليال

السهر هدّ العيون و صرت بالحزن امغلوب

بس اردّد مات في محراب عي*** ابتهال

و بعدها لا من سكت اوحي تناهيد الهبوب

كيف ابنسى؟! و انت طيفك صال فالدنيا وجال

من هناك..ومن هناك اخلصك من كل صوب

آه عن غربة جروحي عاجز اشد الرحال

رد لي ديرة عيونك دام هالعمر امحسوب

العن سنين الجفا و لا العن سنين الوصال

ارتكب ذنب الوفا و لا استعيذ من الذنوب !!

و لا تدري! لا تجاوب ينحرق حزن السؤال

دامها قلوب تعيش و فاقده نبض القلوب

~~~

~~

~

راقت ليـــ

طــابت اوقاتكم بكل خير

:t010:

المصدر: Forums

---

kfq hgrg,f