[rss]

غلا الدار

غلا الدار
,









يا كم تغلي الدار من شان اهلها
وتكرم ديارن بس من شان عينين

يشتاق قلبك وعرها مع سهلها
حب الديار اللي جرى لاجل ولفين

خرس العيون اللي يروعك خجلها
يابوسعد كم ضاع عنده من الدين

يا كم عينن ارخصت له هملها
لو دمعها يرجح بكل الموازين

ترخي على الخدين هامل هللها
خدين صارت للمدامع مواعين

واليوم اماني القلب منهو قتلها
والطين لا بده يعوِّد على طين

يلومك اللي في حوالك جهلها
ماشاف ظلن تسكبه طول رمشين

مرارها يصبح بريقك عسلها
والشين فيها صار باعياننا زين

كم واحدن له دمعة(ن) ما غسلها
يبكي على ناسن قريب وبعيدين

كم راعي همومن همومه نقلها
لا داري(ن) هو وين ودربه على وين

حكاية(ن) يوذيك اجلها وازلها
تجيك في حينن وترحل لها حين

صارت مع الركبان مضرب مثلها
غنوا بها ناسن بدرب الغريبين

متنوعن ملبوسها من حللها
تلبس غني وثم تلبس فقيرين

متشابهن الناق فيها وجملها
ونوب الفرح فيها كثير المحازين

ملك الكلمات

المصدر: Forums

---

ygh hg]hv