دعوة للثورة
اول مشاركه اتمنى تعجبكم
أنا قررت باتظاهر وبوقف باول الطابور
------------------ وبدعي الشعب يتبعني وأنا في كامل اشعوري
أنا قررتها ثورة أمل وأحث بالجمهور
------------------ أنا إللي باعتصم واصرخ وبطلب دعم جمهوري
وأطالب بالجزيرة تبث وتنقل صرخة المقهور
------------------ خبر عاجل وهو مباشر لكل الناس منشوري
أبيها سلم يعني سلم وحنا عاريين اصدور
------------------ أبيها حق كلمة حق وراعي الحق منصوري
أبيها صيحة المغبون يلجلج من صدها اقصور
------------------ هنا في ساحة التغيير ترج الأرض بحضوري
هنا همس القوافي ساحتي مع قلبي المهجور
------------------وأبي كل البشر تسمع بحبي لوردة الجوري
أبي ذاك الحبيب يلين وبسقط عجرفة مغرور
------------------وبأثبت شي بعنادي وبظهر شي بأغروري
إذا كان السياسة هبال أنا حبي هبال اطيور
------------------وإذا كان الطيور أحرار فنا لي قلب مطيوري
إذا كان الغرام اعناد أنا باشقق الدستور
------------------وأغير كل شي فيني وأقل الحب دستوري
أحبك أية أحبك حيل ولوني قلتها معذور
------------------ عشان اللي يحب بصدق أقلة حب معذوري
بقلمي
]u,m gge,vm