عرض مشاركة واحدة
  #1  
قديم 05-25-2014, 10:23 PM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,828
افتراضي محتارة وأحس الكل طلع ع حقيقته

محتارة وأحس الكل طلع ع حقيقته
بسم الله الرحمن الرحيم

هلا بنات شخباركم .. ؟؟؟ عساكم بخير .. ؟؟؟

حبيت أفضفض وأخذ رأي كل وحده فيكم لأنه يهمني واااااااايد ...:3:

من شهر انا مخطوبة و اللي خاطبني حمي أختي عمري 24 وهو نفس الشيء ...

و استخرت ربي و الله سهل الأمور تحدد كل شي الحمدلله ... :27:

لكن في مشكلة صار ...

بنت أخوي عمرها 17 سنة لما سمعت عن هالانسان اللي خطبني قامت ترمس عنه وغيره وأنه ع الانستقرام ويرد ع البنات ردود وغيره ومن هالرمسة ورمست عنه جدام أختي الكبيرة ( اللي هي اتصير حرمه أخو اللي خاطبني ) ... ف قالت لها أختي : أنتي كيف تعرفين الريال ؟ ...

ف قالت لها : أن ربعها جي يقولون عنه ...

المهم أختي راحت ورمست جدام ريلها انه بنت أخوي جي جي قالت عن أخوه ... ف أنا رحت وقلت لبنت أخوي أنه انتي غلطتي لما رمست عن الريال جي وخليتي أختي أتشك فيج أنج أتكلميه ... ف راحت بنت أخوي وخبرت أمها وامها اتصلت لأختي وقالت : انتوا كيف ترمسون عن بنتي وغيره ...

المهم ردوا السالفة علي إني انا اللي رامسه سكت عن الموضوع عسب ما يكبر ... وطافت الأيام ويا يوم وكلمت حرمه أخوي( اللي هي اتصير أم البنت اللي عمرها 17 )

وتمت اتقول لي انها بناتها يرمسون عنه عسب انستقرام وردوده ... و أنه يمكن يكلم بنات وغيره ...


ف الحين يا بنات أنا رضيت بالريال لأنه زين وطيب وماله خص ف حد ... وظروفه المادية اوك ولا عليه ديون ولا غيره .. وسألت ربيعتي ريلها يداوم وياه ف نفس الحجرة و قالت لي يقولج أنه وااايد أوك

وانا يا بنات أعرف أنه الريال ما يعيبه شيء و انا ما اقدر ارفضه ع أساس رمسة وحده ياهل ومراهقة ... وما اقدر احاسبه ع شي قبل لا يكون بينا أي شي رسمي ...


لكن انا ما احب حد يرمس جي أو يحبط ف موضوع كل بنت تتمناه وما تقدر ترفض لأسباب تافهة ومب مقنعه

ف أبا راي كل وحده فيكم ... وريحوني الله يريح قلووووبكم ...


وتسلمون:31::112::34:
المصدر: Forums


lpjhvm ,Hps hg;g 'gu u prdrji

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47