عرض مشاركة واحدة
  #1  
قديم 11-02-2012, 01:57 AM
rss rss غير متواجد حالياً
Senior Member
 
تاريخ التسجيل: Sep 2012
المشاركات: 721,828
افتراضي تراني من جنبها!!

تراني من جنبها!!
تراني جنبها!!

قبل لا ابدا احب اعتذر من كل شخص أرسل لي رسالة عن طريق فورم راسلني الي كنت حاطه بالمدونة وحس اني زلبته .. في الحقيقة انا ما زلبت اي احد راسلني عن طريق هالفورم المخيس ولكن الحقيقة ان الفورم ما كان يوصلي رسايلكم من الأساس! ..


الي صار اني قعدت فترة طويلة وما جتني رسايل عن طريق هالفورم .. فـ قلت معقولة لهالدرجة انا انسان منبوذ ولا احد يبي يرسلي شي تراني جنبها!!! .. فجيت ابرسل لنفسي عن طريق هالفورم رسالة تجربة وهالكلام من اسبوع وشوي والين اليوم ما زلت انتظر هالرسالة .. طبعاً شلت الفورم الله يفشله منعاً للإحراج واحب اقولكم ترى كلكم محل احترام وتقدير ورسايلكم كلها على العين والراس!

ولكن فيه رسايل جتني وما رديت عليها وانا بكامل قواي العقلية متعمد مع الاعتذار لاصحابها!

يعني مثلاً يجيني واحد ما يعرفني ولا اعرفه ( وهالشي مهوب عيب طبعاً ) واكيد ما قرا ولا كلمة في المدونة ولا همته المدونة ولا محتوياتها أصلاً لدرجة ان اسمي ممدوح وموقعي دومينه مكتوب بالبنط العريض ممدوح دوت كوم ويقولي “محمد ابيك تصمملي مدونة ولو بمقابل مادي” أو “صديق ابي ستايل مدونتك ابركبه على مدونتي” تراني جنبها!! ..

وين يا عمي!!! .. طيب صر صديقي بالاول وبعدين قلي عطني ستايل مدونتك تراني جنبها!! ..

تراني جنبها!!


على العموم تصميم هالمدونة مع الهيدر طلعوا معي بالصدفة البحته وبعد عشرات المحاولات والتجارب المضنية تراني جنبها!! .. واخوكم من جنبها بالتصميم وذوقي خايس جداً في تركيب الألوان على بعض .. ولا كان ما قصرت مع احد منكم وببلاش وربي .. وثالث شي وهو الأهم ترى بايخه جداً وشي يبعث الى الملل بصراحه انه تصير المواقع كلها استنساخ من بعضها البعض .. وشي حلو ان يكون لكل موقع طابعه الخاص ولمسات راعيه الابداعيه من الألف الى الياء واذا ما كان عندنا افكار نقدمها أو اي جديد نخدم فيه مستخدم النت العربي أجل ليه نسوي مواقع من الأساس؟!
(
المصدر: Forums


jvhkd lk [kfih!!

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47