Forums - جذرن تقصّه

جذرن تقصّه
جذرن تقصّه تكتفي شر عوده
لا صارت اثماره على كفك اشواك

اللي طرد وهم الهوى ويش فوده
ووش لك بحي(ن) بالتلاويع ينصاك

يا شبه عميانن يبي من يقوده
حتى عصاك اليوم يا صاح تعصاك

من بد صيد البيد شفّي عنوده
غيدا(ن) ليا منه ظهر نورها اعماك

قذلة نصي(ن) في ملابد نفوده
تدور من حوله من الزين الافلاك

يا نقوة(ن) من الخود يا سيد خوده
شح الدهر بك والدهر قلبي اعطاك

وان ابتسم قلبك تصافق رعوده
تحس شي(ن) كنه النمل يشعاك

لا يا جمال(ن) ما عرفنا حدوده
فاره جمالن مات منهو تملاّك

كنوز الجمال اليا لفح لي جعوده
وجهك صباح وليل شعرك تعلاك

تنقص له اعمارن وعمره بزوده
تنقص مع الممشى على مشيها خطاك

نيروزها يسعد بصافي خدوده
تزهر مزاهير العطر لا لقت ماك

وعيونها ثلجن تخالط بسوده
برموشها تاقف وتهلك بمظماك

وخصرن تطرَّق مع لوافيح نوده
تقول قمري(ن) تهزّع بها الراك
ملك الكلم(محمد الحربي)ــات