Forums - الووه لبيه قلي كيف حالك

الووه لبيه قلي كيف حالك

غنيمه يوم يلفيني اتصالك
يداعيك..الغلا ياطيب فالي

الو ..لبيه ..قلي كيف حالك؟.
يمر الوقت من دونك خيالي

يمر الوقت من دونك مهالك
يفوق الشوق مافاق احتمالي .

الو..لبيه..ياعمري فدالك
دخيلك سامح ظروف انشغالي

طرالي طاري اشواقي وطالك
واناعييت من كثر اتصالي .

الو..تسمع؟ تراني مااتمالك
احس الحب لي بعيون غالي

انا لو تخطر اطيوفي ع.بالك
اكون ابحبك امحبٍ مثالي

الووه . ماعاضني غيرك بدالك
لانك بالغلا اول وتالي .

بسولف لك عن اللي ماطرالك
وبسيوف الغلا كيف القتالي .

واسولف لك عن اخبار الممالك
وافسر لك تعاويذ الغزالي .

واقول ابصدق من قيلك وقالك
واي احساس باللحظه طرالي .

وكيف القلب بالخفاق شالك
وليه فراقنا ماقد بدالي .

وليه اشتاق لك كثر انشغالك
واحسك..بالهوى لي راس مالي .

الو..ونسيت..قبل اغفى اسالك
دخيلك..ليه دونك ماهنالي

منامي..والعمر..وايضا كذلك
هواجيس ابتباريحك تلالي

الو ..مليت؟؟..ياعمري فدالك
ايتوهني الغلا اول وتالي .