Forums - موت العاطفه

موت العاطفه

ابشرك يابنت عن الهوى تبت
حلفت رجلي ماتعتب طريقه

من ايام شفت الزين يمشي وجنبت
ولكل منا راح يمشي بطريقه

اكبر دليل اني تعديت ماارتبت
مريت عيني منظرة له دقيقه

وعندك خبر شميت عطره وماذبت
يعني خلاص الحال ماهي شفيقه

داويت نزف الجرح وابشرك طبت
ماعاد هي خبرك جروحي غميقه

اعلنت موت العاطفه يوم غربت
اخر بقايا العهد دمعه غريقه

شوق الغلا اللي يبتدي كل ماغبت
شبيت فيه وبه مشاعر رقيقه

بنساك مهما في غيابك تعذبت
من صادق احساسي اقول الحقيقه

يكفي كفايه بالهوى كم تغربت
في ذمتي ماعاد نفسي تطيقه

عسى الولي يغفر ذنوباً لي اذنبت
يوم الحشر والحلق نشفان ريقه

طاغي الشوق