ارجوكم ساعدوني مش عارفة اتصرف
 

ارجوكم ساعدوني مش عارفة اتصرف
السلام عليكم
انا اول مره اشارك في المنتدي وارجوكم عاوزه حد يساعدني
انا متزوجة من خمس سنين وعندي ثلاث بنات وعندي مشكلة ومش عارفة احلها
من اول مااتجوزت وانا جوزي تصرفاته مش عجباني بيكلم ستات وبيتراسلوا ولما عرفت اكتر من مره احاول اتكلم معاه ان كده حرام وميصحش لا الاخلاق ولا الدين يرضي بكده كان دايما يقول انه مش بيعمل حاجة غلط ولا حرام ولما كنت ازعل واهدده اني هقول لاهلي كان بيوعدني انه مش هيعمل كده تاني وانا كنت بسكت واستحمل علشان ولادي وفضل الموضوع يتكرر وكل مره يرد عليا بنفس الرد واوقات كنت بسيبه وانزل بلدي علشان احنا مسافرين ولكن بعد مايقول مش عيعمل كده تاني كنت برجع علشان ولادي بس كنت ببقي طول الوقت متضايقة وتعبانة بس دلوقتي الوضع زاد طول الوقت بيكلم بنات علي الفيس بوك ووصلت لدرجة انه بينزل صور شبه عاريه علي الفيس بوك عنده ولما حاولت اكلمه غضب جدا وزعق وقاللي ماليش دعوة باللي بيعمله واخليني في حالي وكمان مش بيكلمني من ساعتها ومش بيرجع من الشغل الا متأخر جدا حتي فتره الغدا اللي مفروض كان بييجي البيت مش بييجي وانا زهقت من الوضع ده وحاسه بالاهانه ومش عارفة اتصرف ازاي دلوقتي اسيبه وانفصل وارجع بيت اهلي تاني ولا اعمل ايه انا حاسه ان مفيش فايدة من الكلام معاه ارجوكم حد يقولي اعمل ايه لاني مش قادره احكي لحد من عيلتي واطلب نصيحته ارجوكم ساعدوني