Forums - نار الحشا قام يتزايد سناها

نار الحشا قام يتزايد سناها
مساكم الله بالخير
ابيات متواضعه اتمنى ان تنال على اعجابكم
وتشفع لي عن الغيبه
،

الفي مال وزان لي بدع الامثال
.....................والقافيه صخرت انا محتواها

لاشك لو راجت على قلب رجال
.......................ردد جميع بيوتها واهتواها

قبل العصير ارقا على قمة الجال
.....................وانزل وانا متهقوي ٍ منتهاها

لعلها لاطاحت الشمس واحتال
......................قلب ٍ شرب مر الليال وغثاها

يجزع ولا يلقا به الهم مدخال
......................مار الليال تعجز اللي رجاها

وياللي بحثت الخافيه دوك الاقوال
.......................نار الحشا قام يتزايد سناها

انته كريم ولك على النيف منزال
......................وانته بخيص بردها ومغزاها

ليته لفت من شرذمة ناس وانذال
..................ماكان تكوي من ضلوعي لضاها

لكن لفت ياحيسفا كل مدهال
..............واومت على راس الحشيمة عصاها

الطيبه ماياصله كل ملاّل
....................واليا سهلت نطق الذرابة وراها

كم طيب ٍ دون المعاسير حمال
......................لكن هدم هالسمعه اللي بناها

يقطع لسان ٍ بالمشاكيل زلال
.......................وقوم النميمه يقطع الله نباها

المدح للي يتبع القول بأفعال
......................ويزود من مدح الرجال وثناها

مادايم ٍ بالفانيه ورث واموال
.....................كود الذكر مهما تصافق هواها

يالله تعدل بالزمن كل الاحوال
..............وتعطي النفوس اللي تبي مبتغاها

،
عمر الهمزاني