اللهم أجرني في **يبتي واخلف لي خيراً منها..
 

اللهم أجرني في **يبتي واخلف لي خيراً منها..
مساءكم تفاؤل..

مدري كيف ابدأ قصتي

من الضيقه والحزن سجلت في المنتدى

يمكن ألاقي شيء ينسيني اللي صار..

قصتي بدأت من يوم ماوافقت على هذا الإنسان

تمت خطبتي واستمرت مدة سنه

حلمت فيها كثييييير زي أي بنت في عمري..كان عمري 19 سنه

بعد سنه من الخطبه تمت ملكتي وكان كل شي في عيوني مميز..

الى الآن أذكر أول مكالمه من زوجي..و اول رساله..كلها عندي محفوظه في جوالي ولو انمسحت راح تبقى في ذاكرتي

كانت مدة ملكتنا 7 شهور تقريبا

ما أنكر إني شفت فيها أيام تجننننن

أحلى شي بعيني لما كان يجي يزورني..أمووووت فرح

و أزعل واتضايق اذا كانت عندي اختبارات(بحكم دراستي في الجامعه) وترفض ماما انه يجي لزيارتي

يابنات بدمعتي ابكي

حبيته من كل قلبي..خلااااااص صار كل حياتي ودنيتي وكلللل شي

احاول قد ماأقدر إني ما أزعله ولاأرفض له طلب..

الين جا يوم من ايام الملكه..

رحت افصل فستان زواجي..وأنا في السوق يابنات أختار فستاني اتصل على جوالي

وماكان في شبكه..اعطاه مقفل

اتصل على اخوي وكلمني .. سمعني كلام زي السم كلام وسخ إني حقت بنات واطلع السوق عشان اشوف بنات في الحمامات..

انعميت في السوق اببببببكي ..اخترت اكسسوار زواجي بدون ما اشوفه..اخوي يسألني اقول له خذ لي على ذوقك ماني شايفه شي..

طلعت من السوق مع اخواني و امي و اول ماوصلت السياره جاتني كتمه ودموعي اللي كنت اخفيها تحت الغطا عن اهلي بانت..عرفو اني ابكي وانه قال لي كلام وسخ

فسخت دبلتي وقلتلهم ردوها له..ليش يتهمني بشي زي كذا.؟؟ليش يقول لي كذا و هو عارف اني طاهره وشريفه والله ماسويت شي حرام ولاعيب ولا اطلع الا مع اهلي وسمعتي الحمدلله الكل يشهد عليها..

راح يتصل على اهلي ويبكي وانه غلط وكان خايف علي لما اعطاه الجوال مقفل وصالحني و رجعت له..

وياريتني مارجعت له..كان الحين انا بنت لسا وكان كملت حياتي احسن من كذا..

اتزوجنا وطلعنا شهر عسل كان فيه ايام حلوه وكان فيه ايام بدموعي انام فيها..

واول مارجعنا من شهر العسل و وصلنا بيتنا..اتغير صار انسان ثاااني

الوعود اللي كانت ايام الملكه اختفت

غير إني متحمله دوامه وأجلس ايام في البيت لحالي وصابره..

ممنوع إني اطلع مكان وممنوع أهلي يجوني..هي مره جاتني ماما وطاح سب فيني في اول يوم رمضان

خفت منه واسودت الدنيا بعيني..دخلت الحمام وهو يدق ويسب ويشك فيا ويتهمني بأوسخ الألفاظ..اخذت **** وكنت راح انتحر..بس ربي رحمني الحمدلله..واستغفر الله على اللي سويته يارب سامحني

رضيت باللي صار وجلست في بيتي..صالحني ورجعنا عادي..ماعندي الا اطبخ واغسل وانظف البيت واذا رجع من دوامه طلع مع اصحابه او راح عند اهله..

يابنات حط حارس العماره يراقبني..يفتش جوالي وايبادي..

اتهمني بإني أكلم شباب و كمان حقت بنات..اتهمني بإني احشش..

استغفر الله بس

هذا وهو خاطبني من بيت ناس ويشهد الله عليا اني ماسويت شي غلط وان كلامه كله باطل

صار يهددني بالطلاق على كل شي

كلللللل شي

اهلي اجتمعو في اول يوم رمضان..انا اجلس في البيت لحالي وهو مسافر وممنوع اني اروح

يجتمعو اول يوم العيد..كمان اجلس لحالي وهو مسافر ومالي الا جلسة البيت

يشك فيا على كل شي

حتى مزح ممنوع اني امزح معاه..

انا يتيمه..بس يسب فيا ويعيرني بأن مالي أب و إن البنات اليتيمات كلهم عندهم اشياء وسخه وقليلة أدب

و اخرتها اتخاصمنا على موضوع تافه

طردني من البيت..زي مايطردني كل مره

وهو عارف ان اخوي مسافر وماعندي الا اخوان صغار..كلم ماما وقال خلي اي احد يجي ياخذها

وقال جمعي شنطك ولا اشوفك في البيت

طيب ليش؟؟ايش سويت انا عشان تسوي فيا كذا..؟؟؟؟

كلمت اهلي وجا خالي اخذني..

ولاسأل فيا يابنات

وصار يرسل لي كلام وسخ

كلم اخوي اللي اصغر مني وقال له اختك تكلم شباب و تعرف للحشيش

وانا والله واللي يفقدني بصري ماسويت شي من دا كلووو ولاغلطت بشي

اااه ياربي..خلاص ماني قادره من البكااااا..اصعب شي لما احد يتهمك بشي مو فيكي ومو اتهام و بس إلا قذف وسب في الشرف

اهلي قالوله طيب تعال ونتفاهم..مو رااااضي يجي

ماله وجه يجي..

صار يرسل لي كلام وسخ يابنات يعور القلب

ويقول انتي مريضه نفسيه ومجنونه

اقسم بالله ماقصرت معاه بشي

ارسل لي مسج وطلقني ..تعرفو لييييش؟؟عشان اهلي كلموه قالو له امساك بمعروف او تسريح بإحسان..قال هذي عشان اهلك اتدخلو

و دحين ماهو راضي يطلع صك طلاق

ولا راضي يرجعني بمعروف

ولاراضي يرجعلي اغراضي

كل يوم انام بدمووووووووعي..كل يوم يرسل لي

الله يشلك..الله يعمي بصرك..بطلقك عشان تحششي..حقيره .. ويدعي عليا ويسب فيا وفي اهلي

تعببببببت خلاص..

الحمدلله على كل حال

اللهم أجرني في **يبتي واخلفلي خيراً منها..

يارب تعوضني خير

هذا جزء من اللي صار..

ادعولي يابنات ..ادعولي بأي دعوه تجبرني و لكم بالمثل