إستشارة مهنية
 

إستشارة مهنية
انا مهندس مدني خريج سنة 2008 ، و كان مشروع التخرج ليا مشروع خرسانة و الحمد لله جبت امتياز في المشروع و الدكتور اللي ناقشني كان دكتور في جامعة القاهرة ، المهم ان الدكتور و هو بيناقشني عجبته ، و اشتغلت عنده من 2008 حتي الان ، في بداية شغلي كان كل شئ بالنسبة لي جديد و ابتديت اكتسب خبرات التصميم (في الخرسانة و محاولتش اكتسب خبرات تصميم ال steel ) ، مع مرور الوقت لاقيت اننا في المكتب معظم شغلنا فيلات و منشأت ممكن يكون النظام الانشائي بتاعها فيه مجهود و فكر ، لكن للاسف مكنش في مباني عالية مثلا اللي هتستدعي حل زلازل ، حتي لما كان فيه كنا بنستخدم Excel sheet بالطريقة القديمة مرهق و متعب و بنشتغل علي sap و بس ، مع الوقت حاولت اطور نفسي و اشوف الدروس علي الموقع هنا لكن المشكلة اني بشتغل من غير ما حد يراقبني او يتابعني و مش بلاقي حد اساله لان محدش ف المكتب بيشتغل بال etabs او ال safe ، و لما نزلت موقع نزلت كاستشاري ، بالتالي كنت المفترض مني اني اكون اكثر خبرة لكن للاسف انا كان اول عهدي بالمواقع استشاري بستلم من مهندس الموقع اللي هو اكثر مني خبرة قطعاً
حاليا انا حاسس اني مشتت ، بحاول اذاكر steel و بحاول الم خبرة موقع و اتعلم برامج جديدة ، لكن البرامج مفيش حد يتابعني في مكتبي و لا بيشتغل بيها ، و الموقع مش عارف اتعلم منه صح لاني كذلك بكون استشاري و منزلتش غير موقع او اتنين و كل اللي بطبقه هو معلومات نظرية
انا فعلياً مش عارف اعمل ايه ، اسيب مجال التصميم و انتقل للتنفيذ ، و لا افضل في مجال التصميم و استمر فيه ؟؟
ياريت لو حد من الاخوة الزملاء يفيدين لاني في أمس الحاجة للنصيحة لاني فعلا فكري مشتت و حاسس بالفشل
و شكراً جزيلاً