Forums - تفاصيل زواجي

تفاصيل زواجي

السلام عليكم فراشاااات
رجعت لكم بعد 25 يوم من زواجي :0149:
اخباركم وشمسوين؟؟؟
وحشتووووني http://l.yimg.com/qn/alfrasha/up/267...1110962645.gif

اليوم قررت اكتب أدق تفاصيل زواجي واللي حصل لي قبل الزواج http://l.yimg.com/qn/alfrasha/up/104...1624942419.gif

نبدأ بقبل الزواج بليلة

اتفقت من قبل مع صاحب محل الفستان اني استلم الفستان قبل الزواج بليلة
رحت يوم الاربعا للمحل وطلع لي كيسة فيها الفستان وفتحها الا اشوف فستان غيييير :0107:
قلت له:مو هذا اللي اخترته
قال :كيف موديله فستانك؟
انا طالعت وراي كان موجود الفستان الاصلي اللي اخترته بس لونه ذهبي وانا طلبت ابيض
قلت له نفس هالفستان
قال لصاحبه يجيب الفستان واحنا جلسنا ننتظره http://l.yimg.com/qn/alfrasha/up/196...5653796550.gif

دقايق الا ينزل ويقول الفستان مو موجود :0107:
انا قلت كيف موموجود؟؟ وين راح؟
قال لي:لاتخافي بنلاقيه وبكرا تستلمينه
انا سكتت ورجعت البيت ولما لاقوني خواتي وامي سألوني عن الفستان وقلت لهم اللي صار
صارت كل وحدة تقول ليش مااخذتيه وهو كذب عليك وووووووو....الخ
انا ماعرفت شقول وانقهرت ظليت ساكتة لنص الليل وبعدين قلت لاخوي اتصل على المحل سأله عن الفستان
اخوي اتصل عليه وقال له:الفستان موجود بكرا الصبح تعالوا
انا ماقدرت اصبر قلت لاخوي الحين نروح المحل اخذه الحين
قالوا لي لا بكرا نروح وانا عصبت فوق عصبيتي وقلت لا الحين ودخلت غرفتي ابكي http://l.yimg.com/qn/alfrasha/up/212...1783868718.gif
جا ابوي ربي يخليه وقال لاخوي قوم انا اروح معاكم
خواتي قالوا لاتروحين لاني كنت معصبة وابي اروح اتهاوش معاه http://l.yimg.com/qn/alfrasha/up/355753894423646398.gif هههههههههههههههه
امي تقول لاتضايقين نفسج وبكرا زواجج اخاف يصير لج شي بس انا ماسمعت لاحد
طلعنا واتصل اخوي على المحل قال له الحين بنجيك والرجال يقول بسرعة الحين بنسكر انا قلت عساك تقعد للصبح تستاهل
ههههههههههههه طبعا بصوت واطي
وصلنا المحل وشفت الفستان وارتاح قلبي قلت له:جاهز اقدر اخذه؟
قال:لا انتي وين بتروحين اي مشغل؟ الاحلام؟
قلت له:اي
قال:خلاص بكرا لما توصلين اتصلي وانا اوصله لج
المشغل كان مقابل المحل
رجعت البيت وانا اشوي متطمنة خخخخخخخخخ
طبعا كانت الساعة 2 الفجر
فتحت الابتوب وكانت زوجة حماي داخلة المسن>>عرسهم معانا
تكلمت معاها وكل وحدة تقول معاناتها للثانية http://l.yimg.com/qn/alfrasha/up/796...1500244855.gif
جا ابوي قال:نامي بكرا وراج سهر وتعب
نمت الساعة 3 تقريبا :092:

يوم الخميس 5 ربيع الاول 1434هـ
يوم العرس الصبح الساعة 7
صحيت من نومي رايقة :026:
ورحت للمطبخ غسلت الصحون:091:>>ماخافت يطير الحنا الخبلة
نظفت البيت كله والساعة 9 ونص طلعت معا اخوي وزوجته للمشغل
وصلنا الساعة 10 اتصلت على المحل واخذت الفستان طلع واسع ورجع اخذه وعدله بس من ذكائي بس قست البلوزة اما التنورة قلت اكيد بتطلع عدلة
نادوني استشورا شعري وحطوا لي بودرة على وجهي ورقبتي وكتفي
بعدين دخلت غرفة المكياج وكنت متوترة وخايفة اطلع مو حلوة
قلت لها ماابي مكياج ثقيل كثير ولا ناعم كثير
قالت ماعليج انا احط لج اللي يعجبج
حطت لي المكياج في البداية ماعجبني حطت لي لونين تقريبا انا طلعت لخواتي نصهم قالوا خل تزيد لك الالوان ونصهم قالوا حلووو
اختي الكبيرة قالت ماعليك منهم حلووو تهبلين
والحمد لله عجب الكل العرايس كلهم قالوا نفس مكياجي
سووا لي التسريحة ونفس الشي ماعجبتني >>ان شاء الله برفع الزفة بعدينالعريس الثاني غطوه علشان مايشوفني ههههههههه
دخلت وبعدي دخلت العروس الثانية والساعة 2:10 طلعنا انا وزوجي :202[1]:
وبكذا انتهت احلى ليلة من عمري

اتمنى عجبتكم التفاصيل اللي كتبتها وعسى ماتعبتوا وانتوا تقرون ههههههههههههههhttp://l.yimg.com/qn/alfrasha/up/34649011768259880.gif