|
كنت قرعه بس الحمدلله تحسن شعري .. الحمدلله حمداً كثيراً طيباً مباركاً فيه ..
كنت قرعه بس الحمدلله تحسن شعري .. الحمدلله حمداً كثيراً طيباً مباركاً فيه ..
السلام عليكم ورحمة الله وبركاته .. كيف حالكم يا احلى بنات .. ووه من زماآآن ما كتبت موضوع .. اصلاً من زمان ما دخلت المنتدى خخخـ ..:0144: المهم خليني من القرقره وراح اخبركم تجربتي .. انا كنت مثل كثير من البنات المراهقات ما كنت اسمع لاميمتي الله يحفظها بس الحمد لله الحمدلله الحين احلى من السمن على العسل ما شاء الله تبارك الرحمن .. الله يرزقني واياكم بر ورضا والدينا ويرحم من كان منهم اموات قولوا آمين .. كانت امي تنصحني دايم عشان شعري وما كنت اسمع كنت اسوي اللي في راسي .. طبعاً انا شعري خفيف ودهني وناعم المهم في شعبان اللي راح قررت اسوي الابر اللي تنغز عشان تنبت الشعر .. وجربتها والله لا يعيدها من تجربة ما جا نص رمضان الا وربي يشهد انا قرعا قرعا من قدام .. واللي ورا مره صار خفيف مع اني والله اتبعت تعليمات الدكتوره حرفياً بس يمكن العلاج ما ناسبني .. عاد تعرفون العيد قرب ويا سلام سلم على القرعه .. والله اني صرت اشوف شعري يطيح بشكل مو طبيعي وخفت ووقفت العلاج والحمدلله على كل حال.. .. قلت هالمره باسمع كلامي امي وتوكلت على الله وصار علاجي: مرتين في الاسبوع زيت الكثيره (الحين استبدلته بزيت الزيتون عشان الريحه) ومره في الاسبوع زيت الخروع.. طبعاً كل يوم عن يوم اغسل شعري بسدر وجسمي بعد والله مره مره ممتاز .. كل جمعة اما احط حناء ولا قناع للشعر الدهني وآخر غسله اغسله بشاهي بارد طبعاً .. ولا تنسون تدليك فروة الرأس عشان تتنشط ونصيحة الاستشوار بعد ما ينشف الشعر لو شوي عشان ما يتقطع.. والله الذي لا اله الا هو شعري صار افضل من اول ما راح اكذب واقول صار يسبسب http://i1.makcdn.com/m002/alfrasha/i...ons/icon10.gif بس تحسن كثير كثير الحمدلله وما شاء الله والحين انا اعالج عن الهرمونات فان شاء الله راح يتحسن بعد .. على فكره حتى بشرتي تحسنت من الله ثم من السدر وطبعاً نزول الوزن والحمدلله في كل حال.. اتمنى تجربتي تفيدكم واللي عندها ام او جده وعندها نصيحة تفيدنا ولها دعوة في ظهر الغيب ان شاء الله.. الا انا باسألكم احد يعرف سر شعور الروسيات ما شاء الله عليهن http://i1.makcdn.com/m002/alfrasha/i...ons/icon10.gif.. دعواتكم الصالحه لي بظهر الغيب..http://l.yimg.com/qn/alfrasha/up/206726100161327519.gif |
| الساعة الآن 05:04 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir