Forums - الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هه

الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هه

بسم الله الرحمان الرحيم

السلام عليكم ورحمة الله

على بركة الله ، يلة كيف كتاب نزل هاد الموضوع أسأل الله تكونوا اخواتي في أحسن الأحوال وأموركم كاملة بخير
وصفتنا اليوم :

الزيت الحار وكريمة الحار بطريقتي الخاصة المعتمدة و كتدوم أكثر من سنة ، لعشاق الحار هههه

المهم قبل مندوزو الوصفة نخليكم مع رحلة ما قبل هههه بحكم أنه هاد الفلفلة زرعناها في الدار

http://www.anaqamaghribia.com/pic/im...3bu2oi3560.jpg

http://www.anaqamaghribia.com/pic/im...ye8qw73i5c.jpg

مشي صعيب تزرع هاد الحار ، أسهل من الساهل ، شريناها شتلة صغيرة فيها غي شي جوج ورقات وساق ههه ، المهم نحفرو لها مكان وسط شي محبق ونديروهة فيه ، من أحسن المكان مايكون معرض لتيارات هوائية قوية والتربة رها هديك الواجدة ولكن مشي ديرينها حتى أعماق غي الفوق ، حيت مسيبة مزيان وفيها مواد تغدى منهم الزرعة أكثر وسقي من بعد المغرب أو صباح بكري ، صافي ههههه والكمال على الله

http://www.anaqamaghribia.com/pic/im...bkv0gu86vt.jpg

http://www.anaqamaghribia.com/pic/im...68myeiy1gh.jpg

http://www.anaqamaghribia.com/pic/im...y5lvvt1t46.jpg

http://www.anaqamaghribia.com/pic/im...ecgka8k5yw.jpg

بنسبة لهد الفلفلة ، هديك لكتكون جافة بزاف هي كنحتفضو بها تجف مازال وهي لكنخدو منها زريعة بش نغرسوهة ، للأمانة باقي مجربناش هاد الطريقة ، غي صاحب بابا لشرحها ليه وإن شاء الله ناويين نجربوهة عن قريب

http://www.anaqamaghribia.com/pic/im...9pku911419.jpg

http://www.anaqamaghribia.com/pic/im...0u4mpgfcoy.jpg

http://www.anaqamaghribia.com/pic/im...ddgkr6njzm.jpg

سبحان الله العظيم ، سبحان الله العظيم والحمدلله ، شحل حماقيت على هاد الألوان سبحان الله العظيم المبدع الرحمان الرحيم

الحمدلله ، دبا ندوزو الوصفة الأولى ، الزيت الحار ، سهل بزاف وكيدوم بزاف وكل ما قدام كل مكزيان ويطلق ههههه أول مرة جربتو بقا لينا تقريباً سنتين
المهم بعد ما غسلنا الحارات ونشفنهم مزيان كنقطعوهم على العرض ديالهم إلى دوائر كيف واضح في الصورة ونستفو في لاطات وندخلهم الفرن حتى ينشفو شوية مشي ينشفو بطريقة تامة ولكن تنحسو بالكمية لكنت مغطية لينا اللاطا تقلصات ، من بعد نوزعو ديك الفلفلة على قراعي ديال الزجاج معقمة ، ونزيدو نصبو عليها حتى الفوق زيت الزيتون في حال كنا بغي نستعمله للأكل وزيت النباتي في حال كنا نبغو نطيبو به ، أنا ستعملت غي جوج قراعي ودرت زيت الزيتون حيث الأغلبية كنكلوه وهاد الكمية راه مركزة بزاف ، كان بإمكاني نخرج منها تقريباً 5 أو 6 القراعي ولكن كنت غادي نحتاج كمية زيت أكثر ، المهم كنشرح لكم كلشي بالتفصيل

http://www.anaqamaghribia.com/pic/im...nfos1lxlrj.jpg

http://www.anaqamaghribia.com/pic/im...8t0p5c3cfk.jpg

http://www.anaqamaghribia.com/pic/im...118ivym1mx.jpg

http://www.anaqamaghribia.com/pic/im...tot402tkvj.jpg

http://www.anaqamaghribia.com/pic/im...a94r52w80m.jpg

http://www.anaqamaghribia.com/pic/im...1aapfi3x4x.jpg

وهاهو وجد عندنا زيت الحار ولا أروع ههههه المهم في الأيام الأولى كل ما تفكرنة نحركوه مزيان ويحتفض به في مكان جاف ومضلم مفيهش الرطوبة

يتبع البنات باقي كريمة الحار ، راني كنزرب كنزرب سينون مغدي نحط حتى حاجة ديمة خارجة ليا شي حاجة من جنب هههههه
:17kisa::17kisa::17kisa: