Forums - المهبوله

المهبوله
للمهبوله

مساء الخير والحب .. للجميع .
هذي القصيده ((للمهبوله )) اللي اتصلت بي وقالت ليه ما عاد كتبت فيني شعر ...

لا لا تعاتبني... وتسبــق قـــدرهــــــا
وانت الحيــــاه بعامها مـــع شهـــرها

تبيني اكتب عن احاسيس عاشــــت
في روعة احساسك.. تناما زهرهــــا

اكتب لنبض القلب..؟!! انتي لـــي القلب
ولا عيونــــي .. وانت نعمـــة نظــرهــــا

لو الجسد راح ..اغترب... عــن عيونك
روحـــك وطــن روحي ويمــك سفرها

فيضه ... زهت فيها ضمايــا سنينــــي
وركــــــاب عمـري نوّخَت في نحرهــا

ثامـــــن عجــــايـب دنيتـــي والاخيره
يــاغيــمـــــةٍ تتبع خْطاي بمطــــرهـــا

شمـــسٍ بتيهـــات الدروب اشرقت لــي
وانتــــــي السكــــون بليلتي مع قمرهـــا

جنـــة عطـــــا..جنــــة محبـــــــة.. وفيّه
احيـــــــــا بـــــــــــروحٍ تغتذي من ثمرها

يا عشقتــــي .. يا فرحتــــي .. يا منايـــه
ياللـــــي عطش روحـــي روى من نهرهــا

ياصوغـــــــةٍ رب المـــلا خصنـــــــــي فيك
يادرة ..... مــا تعب كتـــوفــي بحرهـــــــا

(( من قصائدي))