Forums - بين الـوله والخوف

بين الـوله والخوف

... بين الوله والخوف ....

فـديت قلبٍ ... لمّني واحـتـواني
حتّى تمكّن حبّه ... ضلوع صدري

جاني غلا ... وجيته على ما بغاني
سلّمني أحـلامـه .. وسلّمته أمري

خَذِاني .. من شتـات وقتٍ كواني
وقتٍ .. تجرّعت الشقا فيه بـدري

لـعـالمٍ ... ما فيه حـاسـد وأنـاني
كنه الخـيـال اللي على الـبـال يطـري

عرفت معنى الحبّ .. من يوم جاني
قلبي يـنـاديني ... وأنـاديه عـمـري

إن شفته أقبل .. من بعيـد ونصاني
بيـن الوله والخوف .. قلبي وفكري

وإن راح عنّي قلت : خلّك ثـواني
لـ وين سـاري ودافع الشوق عـذري

ياما عنالي طيفه ... إن ما لـقـاني
وإن ما لقيته .. له مع الليل أبسري

وياما كتبت بوصفه .. أحلى المعاني
من خافقٍ له صار .. بالحبّ حصري

من يـوم .. ما ربّي .. بحبّه بـلاني
بالصبح أهذري به ! وبالليل أهذري

وإن جيت أنادي شـوف زلّه لـسـاني
كذا من الله دون ما أشعر ولا أدري

أزهم .. وأنادي باسمه إنـسـان ثـاني
وكلما نطقت اسمه .. له يفزّ صدري

............... بـقـلـمـ ..............
.. الـمـحــ (أبو شـوووقـ) ــروووم ..
...................................