Forums - هام / موقف لا أحسد عليه ليه الاستغلال كذا ؟

هام / موقف لا أحسد عليه ليه الاستغلال كذا ؟
السلام عليكم
يسعد صباحكم جميعاً

انا صار لي موقف وحبيت اذكره للتحذير من محلات النصب والاستغلال
عندي مناسبه بشهر 3 رحت كوز كيك وعطيته صوره لشكل تورته ابي نفسه ، ودفعت المبلغ 600 ريال وكتب لي الفاتوره وعطان وقت التسليم اللي هو 6 العصر يوم الاربعاء
وهذي صورة الفاتوره

http://im54.gulfup.com/6kqz5.jpg

هذي صورة القاتوه اللي ابي نفسه نفس اللون والشكل بس طبقتين
http://im54.gulfup.com/7C3Pl.jpg

وكانت المفاجأه
وهذي اللي سووه لنا
http://im54.gulfup.com/O1B7t.jpg

يعني مدري وش وضع الطباخ اللي مسويه فيه عمى الوان!
كأنه كيكة احتفال بطفله والتاج اصفر موب ذهبي
واحرجنا بالوقت بيوم المناسبه جت الساعه 6 ما وصلت من **نع بريده ما وصلتني الا 9 !!
تاخير بالوقت وشكل يفشل !!
غير الكيكه اللي جوا كل طبقه نوع كيك ، الطبقه اللي فوق ريد فلفت والطبقه اللي تحت شوكلاته
وارتفاع كل طبقه يمكن 10 سم نص كل طبقه بالضبط طبقة فلين ( 5 سم الكيك و5 سم فلين)
طيب ال600 اللي دفعته على ايش؟
هذي صورة الكيكه يوم قطعناه وطلع لنا الفلين بالنص بالضبط

http://im54.gulfup.com/p1pdU.jpg

بعد المناسبه مباشره رحت المحل وكلمت المشرف وعطان وعد انه بيعدل الموضوع وكذب علينا ، يتهرب ويماطل !

كتبت لكم ابي تحذرون من استغلالهم واذا قمنا وقعدنا نقول ندعم محلات السعوديين طيب واستغلالهم لنا ! نفس استغلال الاجانب بالضبط

اتمنى الموضوع يصل لاكبر عدد ممكن من الناس
ورضى ال**اين شي مطلوب ليت كل تاجر ينتبه لهالنقطه

اسفين على الاطاله
السلام عليكم ورحمة الله وبركاته