همـلـتـنـي / لـلـحــزن / والـعـبــره / ولـيــلــي / والـطــيــوف !!

وخـلـيـتـنـي مــــــا بـــيـــن لـــوعـــات .. ( الــهــمــوم الاربـــعـــه )

حـزن ٍ / غــدا طـابـع حيـاتـي كــل مــا اغـمـض واشــوف

مــــــدري هــــــو الـــلـــي كــــــان يـتـبـعـنــي أو انــــــي اتــبــعــه !!

والـعــبــره / .. الـــلـــي هــلــهــا رجــــــال .. والــســبــه هـــنـــوف

لــيــلــة مـــســـاء ذاك الــــــوداع .. وهـــــــل صـــافــــي مــدمــعـــه

وليـل ٍ / بدونـك .. ظلمتـه (غربـه) ولحظاتـه (سيـوف)

تقـطـع جــدار الصـمـت .. فــي صــدري وتـمـسـي بضـلـعـه

وطيـف ٍ / يداعـب خـاطـري حـتـى وانــا بـيـن الضـيـوف

ومـن قـال وش بـك يـا ولــد .. سـرحـااان .. ازيــت اقنـعـه

وش بـاتـعـذر بــــه !! وانــــا مـابـيــن هــــم .. وبــيــن خــــوف

وشــــــوق .. يــغــايــض قــلــبــي الــمــجـــروح حـــتــــى يــنــزعـــه

لــــو انــهــا بـالـزيــن .. كــــان الــزيــن مــــن غــيــرك الـــــووف

المشكـلـه .. ( حـــب الـعـمـى ) .. يـــا جـعــل ربـــي يقـلـعـه

ان ابـتـعـدت آمـــوت هـــم .. وكـــل مـــا جـــي لـــك شـغــوف

كـنـك تعـمـد ( ضـيـقـة الـخـاطـر ) .. ولـــو فـيـهـا سـعــه !!

اواه يــــا قــلــب ٍ تـركـتــه لــــك !! عــلـــى بــيـــض الـكــفــوف

والــلــي مــهــو يــصــدق !! عــلــى كــفـــك يــلاقـــي مـصــرعــه

تـشـوفــنــي وتـــصـــد مـــنـــي.. لا !! ولا كـــنـــك تـــشــــوف !!

تـــقـــدر عـــلـــى وصـــلـــي واحـــســـك قــــــدك نـــــــاوي تـقــطــعــه

تــقـــول صــبـــرك !! والـصــبــر لــيــتــه يـــبـــرد حــــــر جــــــوف

اسـهـر ليـالـي البـعـد .. لـيـن الـفـجـر .. يـبـلـج مطـلـعـه !!

(( غـيـابـك الـقـاسـي .. وبـاقــي لهـفـتـي واقـســى الـظــروف

مـا غيـرت قـلـب .. مــا هــو يبـغـي تـكـون .. إلا مـعـه ))

إن كـان ربـي كاتبـك لــي .. فـأنـت لــي .. رغــم الانــوف

واذا الــقـــدر مـــــا عــــــاد ردك .. يـسـتـحـيــل ان امــنــعــه !!

انــت .. ومشـيـت ومــا عــرف وشـهـي نهـايـة ذاالـصـروف

وصوتك / ما انا بداري .. هو ربي كاتب ٍ لي اسمعه

لا قــــدك نــــاوي تــرحــل وتـقـفــي مــعــا بــيـــض الـقــنــوف !!

قـلــب ٍ خـذيـتـه مـــن صـــدر راعـيــه .. تـكـفـى رجــعــه !!