Forums - رايح النمسا والمانيا اول مره وهذي حجوزاتي رايكم يااخواني ؟؟؟

رايح النمسا والمانيا اول مره وهذي حجوزاتي رايكم يااخواني ؟؟؟

مساءكم خيرات ومسرات . انا يا اخواني ناوي اروح النمسا انا وزوجتي ورضيعي (اثناء السفر يكمل 7 شهور ) ربي يحفظه . انا حجزت تذاكر على الطيران الألماني دبلن - فيينا - ميونخ - دبلن ( لإني حاليا مقيم في إيرلندا الجميله مع زوجتي لاني مبتعث من الوزاره للدراسه ) التذاكر سعرها حلو كلفتني 600 يورو مايوازي 3000 ريال سعودي بالكامل . الرحلة 14 يوم تقريبا الذهاب قبل زحمة السياح في 13 مايو والعودة في 26 نفس الشهر . ترتيب الرحلة والحجوزات في الفنادق والشقق الى الان كل شي تمام وربي موفقنا باقي بس الحيرة في السكن والسياحة في المانيا 3 ليالي. وايضا ابي رايكم في اختياراتي لفنادق النمسا و ترتيب الرحلة على النحو التالي عشان اذا في ملاحظه من الاخوان بخصوص السكن او غيره يفيدونا .
المغادره من دبلن ظهر 13 مايو والوصول الى فيينا عصرا ان شاء الله وحجزت السكن في شقة فندقية رائعة اسمها وضعته ادناه(غرفة وصالة ومطبخ ) و لمدة ثلاث ليالي (اربعة ايام ) وكلفتني2300 ريال تقريبا اربع نجوم وحاصل على تقيييم 8.9 في البوكينق
Appartement-Hotel an der Riemergasse قريب من الكاتدرائية ومن ساحة سان ستيفن .
ومن ثم المغادره بعد ذلك الى مدينة سال**ورغ والاقامة فيها ليلتان (ثلاث ايام ) وحجزت في فندق Hotel Wolf Dietrich وكلفني 2045 ريال اخذت جناح رومانسي جميل جدا
بس ياريت رايكم في هذا الفندق وموقعه في المدينه هل هو مناسب :005: لاني ماحصلت كثير عرب ساكنيين فيه من قبل الاغلب اجانب طبعا هو حاصل على تقييم 8.6 في البوكينق .
ومن ثم المغادره الى حبيبة الملاييين زيلامسي والاقامة فيها خمس ليالي (ستة أيام ) وحجزت في فندق العشاق والرايقيين فندق سيفيلا وكلفني 5800 ريال Seevilla Freiberg

بعدها الا نطلاق الى المانيا وهنا الحيررررررررره :blushing: فهل اتوجه للسكن في ميونخ ام في قارمش ..(وكم المسافة بين قارمش وبين ميونخ ) ميونخ قرأت وسمعت عنها انها جميله وتتميز بالاسواق والحديقة الانجليزية والحديقة الاولمبيه ولكن لاطبيعة فيها ...وقارمش هي الطبيعه والجمال ...انا بالنسبه لي حاليا طبعا اخر اهتماماتي التسوق لاني شبعت انا وزوجتي تسوقا وشراءا من ايرلندا لاننا بالطبع مقيمين فيها واستغلينا فترات تخفيضات الكيرسمس وشرينا بالكوم لسنتين قدام ههههه خصوصا ان يوجد في ايرلندا افضل الماركات البريطانيه ...الخلاصة هنا نصيحتكم ومن وجهات نظر متعدده حتى نحسم امرنا هل نذهب للسكن في قارمش وتستاهل نجلس فيها 3 ليالي للتمتع بالطبيعه والبحيره والجبال ...ام نسكن في ميونخ ونسوح في حدائقها ومتاحفها ونزور قارمش لمدة يوم ونرجع بنفس اليوم ؟؟؟ وياريت اللي يرشح احدى المدينتين ان يذكر لنا افضل فندقين او 3 ثلاثة اوشقة جميله في موقع حلو وان تكون من فئة الاربع او الخمس نجوم وموقع حلوفي سواء في سنتر او على ضفاف بحيره في اي من المدينتين ....
ملاحظة اخيره جميع التنقلات في النمسا والمانيا ستكون عبر القطار ومطار المغادرة ميونخ .
ارجو ان لا تقصروا بالردود وربي يجزاكم خير .